Lukas 23:8 - En Taar Weru a nunuwu' é Tontemboan

⁸ Keséré i Herodes si Yesus, en aténa arui keli ampa'paan uréo keli sia masalé' suméré si Yesus. Wo ka'i uréo sia melinga-linga in abar andumoro' i Yesus wo maarap ro'na suméré Sia méma' esa tuus kakaya'kaan.

Lukas 23:8 Iomraidhean Croise

Matius 14:1

Asi témpo itu, en abar andumoro' i Yesus kinalingaano i Herodes, kolano an sangkum ing Galilea.

Markus 6:14

Si colano Herodes luminga ka'i in abar andumoro' i Yesus, ampa'paan am bisa-wisa e ngaran-Na kinatuusano. Wo awéan tou mengakua, “Siao si Yohanes Mabaptis si tumouo sumawel an uner é tou imaté, ampa'paan in ituo Sia awéan kawasa maéma' sé kakaya'kaan itu.”

Markus 8:34

Wo towan i Yesus sé tou keli wo sé murit-Na, icua-Na ai séra, “Sa awéan tou e masalé' kumiit Yaku, sia musti sumangkal in owakna, muléng in salipna wo kumiit Yaku.

Lukas 4:23

Wo icua i Yesus ai séra, “Tantu icua oka miow a Yaku si andéan anio', ‘Éi dokter, samaano mio' en owak-Mu in esa.’ Icua miow in taniitu ampa'paan liningao miow sapaoka Aku iméma'o ing kakaya'kaan ang kota Kapernaum wo en itu musti émaan-Ku ka'i an doong-Ku in esa.”

Kisah Para Rasul 8:19

Icuana, “Tuang-tuang, wéanai aku kawasa itu wosama' sa aku maro ing kama a si esa tou, si tou itu ro'na tumerima i Roh Le'nas.”