Lukas 23:7 - En Taar Weru a nunuwu' é Tontemboan

⁷ Wo an tutuw kinailekano i Pilatus sapaoka si Yesus tou an sangkum ing Galilea owo wo iru'du'na sé tou e makawali mangé si Yesus a si Herodes. Ampa'paan sia makakawasa an sangkum itu wo ka'i asi témpo itu sia ang karoro'ané' an Yerusalem.

Lukas 23:7 Iomraidhean Croise

Matius 14:1

Asi témpo itu, en abar andumoro' i Yesus kinalingaano i Herodes, kolano an sangkum ing Galilea.

Matius 14:3

Icua i Herodes in taniitu ampa'paan indior siao e rumu'du' tumangka' si Yohanes, ipapawa'kesna wo ipapauntepna am bui ampa'paan si Herodias penanaan i Filipus tuarina niindo i Herodes mamuali penanaanna.

Matius 14:6

Taan asi endo tuma'néi ing ketou i Herodes, si toyaang wéwéné i Herodias maéngké an dior é sakéi wo mengaarui in até i Herodes,

Markus 6:14

Si colano Herodes luminga ka'i in abar andumoro' i Yesus, ampa'paan am bisa-wisa e ngaran-Na kinatuusano. Wo awéan tou mengakua, “Siao si Yohanes Mabaptis si tumouo sumawel an uner é tou imaté, ampa'paan in ituo Sia awéan kawasa maéma' sé kakaya'kaan itu.”

Lukas 13:31

Asi témpo itu, awéan piraan tou Farisi mai icumua a si Yesus, “Amang, mangém wo itela'uo en tampa anio', ampa'paan si Herodes masalé' maté Ico.”

Lukas 23:6

Kelinga i Pilatus andumoro' in itu wo wuéienna ai séra in tana'i, “Anaé, si Yesus anio' réén tou Galilea?”

Lukas 3:1

Muntep asi ta'un sangapulu' lima si Kaisar Tiberius makatimboi ing kakawasaan ang kakolanoan Romawi, si Pontius Pilatus mamuali gubernur an Yudea wo si Herodes makatimboi ing kakawasaan ang Galilea. Wo si Filipus tuari toloateken i Herodes, makatimboi ing kakawasaan an Iturea wo an Trakhonitis. Si Lisanias makatimboi ing kakawasaan an Abilene,

Lukas 9:7

An tutuw i Herodes makatimboi ing kakawasaan an sangkum ing Galilea, sia luminga in andumoro' im pakasa ing kinamamualian sé niéma' i Yesus. Sia ra'io makaaté in sama' ampa'paan awéan tou mengakua sapaoka si Yohanes Mabaptis tinouo sumawel an unér é tou imaté.

Kisah Para Rasul 4:27

En aicua i Daud wutul imamualio ang kota anio'. Ampa'paan si Herodes, si Pontius Pilatus, sé tou ra'ica Yahudi, wo sé tou Israel imali'uso en sumundur si Yesus, si Ata Le'nas i Casuruan, Siao si Mesias.