Lukas 23:6 - En Taar Weru a nunuwu' é Tontemboan

⁶ Kelinga i Pilatus andumoro' in itu wo wuéienna ai séra in tana'i, “Anaé, si Yesus anio' réén tou Galilea?”

Lukas 23:6 Iomraidhean Croise

Matius 26:69

Ang karoro'an in itu si Petrus ang kesot, makalukut ang kintal im balé i imam wangko'. Wo mai si esa ata wéwéné sumusut angé a si Petrus wo kumua, “Ico ka'i si tatap mewali-wali wo si Yesus tou Galilea itu.”

Lukas 13:1

Asi témpo itu, awéan piraan tou mai icumua a si Yesus in andumoro' é tou Galilea sé pinaté i Pilatus an tutuw éra ang karoro'an imaali mai i raragés a si Amang Kasuruan an Yerusalem.

Lukas 23:5

Taan makarepetke' taré séra malesé' si Pilatus in tana'i, “Sia memaso-maso' sé tou in sususuien-Na am pakasa in tana' paento'- an é tou Yahudi, en sumundur sé pemerénta. Mangé ito'tol-Na mai ang Galilea wo akaro an Yerusalem anio'.”

Lukas 23:7

Wo an tutuw kinailekano i Pilatus sapaoka si Yesus tou an sangkum ing Galilea owo wo iru'du'na sé tou e makawali mangé si Yesus a si Herodes. Ampa'paan sia makakawasa an sangkum itu wo ka'i asi témpo itu sia ang karoro'ané' an Yerusalem.

Kisah Para Rasul 5:37

Kekawus sia, awéan ka'i esa tou makangaran Yudas tou Galilea. An tutuw sé pemerénta Romawi méma' sensus penduduk, towan i Yudas sé tou keli e meesa wo isia en sumundur sé pemerénta Romawi. Taan eng kasiwakanna, sia pinaté wo pakasa sé makiit isia icasera-serar.