Lukas 23:5 - En Taar Weru a nunuwu' é Tontemboan

⁵ Taan makarepetke' taré séra malesé' si Pilatus in tana'i, “Sia memaso-maso' sé tou in sususuien-Na am pakasa in tana' paento'- an é tou Yahudi, en sumundur sé pemerénta. Mangé ito'tol-Na mai ang Galilea wo akaro an Yerusalem anio'.”

Lukas 23:5 Iomraidhean Croise

Matius 11:1

Kumawusai si Yesus masusui a sé sangapulu' rua murit-Na, wo itela'u-Na en tampa itu e maangé sumusui wo kumua in Abar Kaaruien ang kota-kota sé an sangkum ing Galilea.

Matius 2:1

Kekawus i Yesus aitou am Betlehem an tana' Yudea an tutuw i colano Herodes makatimboi ing kakawasaan, wo mayo sé tou majus a micona owo mai an Yerusalem.

Matius 27:24

Kailekano i Pilatus sapaoka pakasa e niéma'na ra'ica wana torona wo ka'i sé tou tumo'tolo maéma' ing kalicokoan, wo sia mindo rano, mu'as ing kamana an dior é tou keli wo icuana, “Ra'- ica wana eng kameséaanku andumoro' im papaté i Tou anio', en itu urusan iow in esa.”

Matius 4:23

Wo si Yesus mangé ka'i lumi'cir im pakasa ing Galilea wo masusui am balé-walé paapo'an é agama Yahudi. Sia kumua in Abar Kaaruien andumoro' ing Kakolanoan i Amang Kasuruan. Wo samaan-Na waya sé tou am pakasa in sakit wo sé tou ra'ica lekep en owak.

Markus 1:14

Kekawus i Yohanes Mabaptis tinangka', si Yesus mai ang Galilea wo kumua in Abar Kaaruien i Amang Kasuruan.

Lukas 11:53

Kumawus in itu si Yesus tumela'u in tampa itu. Wo a si témpo itu sé makailek wutul in Torat wo sé tou Farisi tumo'tolo uli-ulit masuut a si Yesus. Ampa'paan in ituo ta'kongen éra si Yesus maké wuwuéien membam-balinaan.

Lukas 23:23

Taan pelesé-leséén érake' taré si Pilatus wo séra mengangko-ngangko' wo tumuntut wosama' si Yesus isalip. Sumiwakio' isérake' e imuntung, ampa'paan séra mengangko-ngangko'.

Lukas 23:6

Kelinga i Pilatus andumoro' in itu wo wuéienna ai séra in tana'i, “Anaé, si Yesus anio' réén tou Galilea?”

Yohanes 1:43

Asi woondona mai si Yesus musé' e maangé an sangkum ing Galilea. Taan Sia mangé meta'up owo wo si Filipus, icua-Na ai sia, “Mayo kumiito mai Yaku.”

Yohanes 19:15

Wo séra mengangko-ngangko' wo makua, “Paténo Sia! Paténo Sia! Salipo Sia!” Wo icua i Pilatus ai séra, “Musti réén isalipku si colano miow?” Isowat é kikiiten é imam, “Si colano ami wayake' si Kaisar!”

Yohanes 2:11

Niéma' i Yesus eng kakaya'kaan-Na kataré itu ang Kana an sangkum ing Galilea. Am bitu aituru'-Na eng kawangko'-Na, ampa'paan in ituo sé murit-Na mercaya ai Sia.

Yohanes 7:41

Wo sé walina makua, “Sia anio' Mesias, Kolano Lumolowir.” Taan sé walina makua, “Ra'ica! Si Mesias ra'ica imai ang Galilea owo.

Yohanes 7:52

Isowat éra ai sia, “Tou Galilea réén ka'i ko? Ti'tireno mangé sé ang Kitap Le'nas wo kakailekanmu oka, ra'ica wana nabi si mai ang Galilea owo.” [

Kisah Para Rasul 10:37

Wo kailekan iow ka'i andumoro' im pakasa sé niéma' i Yesus tumo'tolai ang Galilea akar am pakasa in Yudea. En itu mamuali kekawus i Yohanes kumua a sé pakasa en tou sapaoka séra musti baptisen, tanu tuus imape'diso.

Kisah Para Rasul 23:10

Wo makarepeto meindo-indoan roma' sé tou Saduki wo sé tou Farisi akar si kikiiten é suraro Romawi maindé' oréoka pesémbongan éra i mokoi si Paulus. Anaé, peréntanna sé surarona tumumpa mio' an darem e mindo si Paulus an uner é tou keli itu wo maali sia a markas.

Kisah Para Rasul 5:33

Kelinga in itu, sé anggota Mahkamah Agama mae'bow keli. Wo séra mawasa e maté sé ruru'du'an itu.

Kisah Para Rasul 7:54

An tutuw pakasa en itu lingan é anggota Mahkamah Agama, en até éra sumakit keli. Wo séra mae'bow ai sia ang karapi makare'ket oka em baang.

Kisah Para Rasul 7:57

Kelinga in itu, wo séra mengangko-ngangko' wo makatutuw in lunteng. Kumawus in itu serangen éra sia.