Lukas 23:4 - En Taar Weru a nunuwu' é Tontemboan

⁴ Wo icua i Pilatus a sé kikiiten é imam wo a sé tou keli am bitu, “Ra'ica kinéréanku eng kaséaan i Tou anio' mandé esake'.”

Lukas 23:4 Iomraidhean Croise

Matius 27:19

Ang karoro'an i Pilatus makalukut am paakiman wo mai en taar si aicirim i penanaanna ai sia, “Tioo ko marambét am perkara i Tou wutul itu, ampa'paan Siao akar aku kawengi mangipi léwo'.”

Markus 15:14

Wo wuéien ka'i i Pilatus ai séra, “Sapa réén eng kaléwo-léwo'an niéma'-Na?” Taan makarepetke' taré séra maangko', “Isalipo Sia!”

Lukas 23:22

Wo icua i Pilatus ing kumatelu a sé tou keli itu, “En ulitna, kaléwo'an sapa réén e niéma' i Tou anio'? Mandé esake', ra'ica wana eng kaléwo-léwo'an si kinéréanku ai Sia si patus makéré in ukumen patén. Anaé, ru'du'ku oka tou en sumambok Sia wo iwekarku oka.”

Kisah Para Rasul 25:25

Taan an tutuwku in sumidang im perkarana, ra'ica kinéréanku mandé esake' eng kameséaanna si patus makéré in ukuman patén. Wo ampa'paan sia in esa e imangilek im perkarana isosor en sidangen i Kaisar Romawi, anaé puséénku eng kumirim isia sumaru a si Kaisar.

Kisah Para Rasul 3:13

Si Amang Kasuruan si pengaapo'an é apo-apo'ta Abraham, Ishak wo si Yakub, Siao e méma' si Yesus ata-Na itu iparayo-rayo wo pasiri-siriin. Si Yesus ituo si aisarakan iow wo aicélong iow an dior i Pilatus em patén, mandé ka'i si Pilatus e musé'o e mekar woo Sia.

Ibrani 7:26

Anaé, si Yesus ituo si Imam Wangko' si paperlunta. Sia itu le'nas, Sia ra'ica wana kaséaan wo ra'ica wana e ro'na méé kaséaan. Sia aitané asé tou sé iméma' ing kamesé-meséaan, wo niangkai angé asi tampa pasiri-siriin an sorga.

1 Petrus 1:19

taan kamu tinu'buso in enda' i Kristus si sosor keli em bééna. Sia ayandé tanu si ana' i domba makaowak lumoo-loor si pinaté mamuali raragés a si Amang Kasuruan.

1 Petrus 2:22

Sia ra'ica mengaéma' ing kamesé-meséaan wo ra'ica tampenguwaken.

1 Petrus 3:18

Ampa'paan si Kristus imatéo wayake' imakasa en tumu'bus ing kamesé-meséaanta. Sia ra'ica wana kaséaan, taan Sia imaté torona icita sé mengéma-ngéma' ing kamesé-meséaan, wosama' kita ro'na ipakawali-Na mangé a si Amang Kasuruan. Sia pinaté an tutuw-Na imamuali Tou, taan Sia tinou sumawel i Roh Le'nas.