Lukas 23:2 - En Taar Weru a nunuwu' é Tontemboan

² Icateka' mangé am bitu, séra tumo'tolo matudu Sia, icua éra, “Sinéréo ami wo lininga amio sapaoka si tou anio' mengasélé'kow sé tou ami tou Yahudi. Wo pengapéron-Na sé tou mengawér im pajak a si Kaisar Romawi wo ka'i makua sapaoka Siao si Kristus si Colano.”

Lukas 23:2 Iomraidhean Croise

Matius 17:27

Taniitu ka'i wo icita, kita ro'nake' ra'ica mér im pajak im Balé Le'nas. Taan, wosama' kita ra'ica mamuali watu pasangkilan é tou matagi im pajak im Balé Le'nas, aweso taré ko mangéo mesi sera' an lour, si sera' kataré pinesimu, indonmu wo wukaan em ba'ba'na wo kaséréanmu oka roit epat dirham. Indono mio' en doit itu wo mangéo iwéé a sé tou matagi im pajak em bér im pajakta in dua.”

Matius 22:21

Isowat éra, “Gambar wo ngaran i Kaisar.” Wo icua-Na ai séra, “Sa taniitu, iwééo a si Kaisar sapa si musti iwéé miow a si Kaisar, wo iwééo a si Amang Kasuruan sapa si musti iwéé miow a si Amang Kasuruan.”

Matius 27:11

Wo iwali éra si Yesus ipeta'up wo si Pilatus. Wo wuéienna a si Yesus, “Ulit réén Ico si Colano é tou Yahudi?” Isowat-Na, “Si amango in esa eng kumua in itu.”

Markus 12:17

Wo icua-Na ai séra, “Iwééo mangé a si Kaisar si musti iwéé miow a si Kaisar, wo iwééo mangé a si Amang Kasuruan si musti iwéé miow a si Amang Kasuruan!” Kelinga in itu, séra mangaya-ngaya'ka'.

Markus 15:2

Icateka' mangé a si Pilatus, wo wuéienna a si Yesus, “Wutul réén Ko Kolano é tou Yahudi?” Isowat i Yesus, “Si amango in esa en cumua in itu.”

Lukas 23:14

Wo icuana ai séra, “Si Tou anio' aiwalio miow a yaku wo icua miow sapaoka Sia mengasélé'kow sé tou in sususuien-Na en sumundur sé pemerénta. Intarépé' sérénai! Pineriksakuo Sia an dior iow, taan ra'ica kinéréanku mandé esake' eng kaléwo-léwo'an sé ipatudu miow ai Sia,

Lukas 23:5

Taan makarepetke' taré séra malesé' si Pilatus in tana'i, “Sia memaso-maso' sé tou in sususuien-Na am pakasa in tana' paento'- an é tou Yahudi, en sumundur sé pemerénta. Mangé ito'tol-Na mai ang Galilea wo akaro an Yerusalem anio'.”

Yohanes 18:29

Ampa'paan in ituo si gubernur Pilatus kumesot wo meta'up wo iséra. Sia mamuéi, “Sapa réén en aitudu miow a si Tou anio'?”

Yohanes 18:30

Isowat éra ai sia, “Sa Sia ra'ica tou léwo', ra'ica woo isarakan ami Sia a si tuang.”

Yohanes 19:12

Kekawus i Pilatus luminga en aicua i Yesus itu, wo sia rumaméji maéré-éré lalan tumambisa e mekar si Yesus. Taan icua é tou Yahudi itu ang karapi in taangko', “Sa iwekar i tuang si Tou anio', si tuang ra'io ka'i kara-karapi i Kaisar. Wo si séike' si mawerot in owakna kolano, sia isumunduro si Kaisar.”

Kisah Para Rasul 24:13

Patudun éra ka'i andumoro' in sapake' mangé a yaku. En a yower éra a si tuang tarépé' ra'ica wana tuus.

Kisah Para Rasul 24:5

Tana'i é tuang, si tou anio' tatap mengaéma' in léwo' wo am bisa-wisa sia mengaéma' ing kalicokoan a sé tou Yahudi am pakasa ing kayo'baan. Sia mamuali kikiiten ing golongan Nasrani.

Roma 13:7

Ampa'paan in ituo wérano sapa si patus wéran iow a sé pakasa in tou. Wérano mangé em pajak a sé pemerénta sa kamu musti mér im pajak, wo wérano mangé en cukai sa kamu musti mér in cukai. Wo pengalingan angé sé tou sé patus pengalingan iow, wo pengasiriin angé sé tou sé patus pengasiriin iow.