Lukas 23:10 - En Taar Weru a nunuwu' é Tontemboan

¹⁰ Ang karoro'an in itu, sé kikiiten é imam wo sé makailek wutul in Torat mangé tumulung an dior wo ra'ica mento' menudu-nudu si ra'ica wutul a si Yesus.

Lukas 23:10 Iomraidhean Croise

Matius 27:12

Taan pakasa sé patudu é kikiiten é imam wo sé matu'a é tou Yahudi a si Yesus, ra'ica wana en sinowat-Na.

Lukas 11:53

Kumawus in itu si Yesus tumela'u in tampa itu. Wo a si témpo itu sé makailek wutul in Torat wo sé tou Farisi tumo'tolo uli-ulit masuut a si Yesus. Ampa'paan in ituo ta'kongen éra si Yesus maké wuwuéien membam-balinaan.

Lukas 23:11

Wo tumo'tolo si Yesus paséro' wo para'i-ra'ien i Herodes wo sé surarona, karaian éra Sia in juba tanu im papakén é kolano. Wo iwali éra mangé sumawel Sia a si gubernur Pilatus.

Lukas 23:2

Icateka' mangé am bitu, séra tumo'tolo matudu Sia, icua éra, “Sinéréo ami wo lininga amio sapaoka si tou anio' mengasélé'kow sé tou ami tou Yahudi. Wo pengapéron-Na sé tou mengawér im pajak a si Kaisar Romawi wo ka'i makua sapaoka Siao si Kristus si Colano.”

Lukas 23:5

Taan makarepetke' taré séra malesé' si Pilatus in tana'i, “Sia memaso-maso' sé tou in sususuien-Na am pakasa in tana' paento'- an é tou Yahudi, en sumundur sé pemerénta. Mangé ito'tol-Na mai ang Galilea wo akaro an Yerusalem anio'.”

Lukas 23:9

Wo si Herodes méé keli wuwuéien a si Yesus, taan si Yesus makapeneske'.

Kisah Para Rasul 24:5

Tana'i é tuang, si tou anio' tatap mengaéma' in léwo' wo am bisa-wisa sia mengaéma' ing kalicokoan a sé tou Yahudi am pakasa ing kayo'baan. Sia mamuali kikiiten ing golongan Nasrani.