Lukas 22:53 - En Taar Weru a nunuwu' é Tontemboan

⁵³ Susur in endo Aku ang karapi miow am Balé Le'nas wo ra'ica tangkaan iow Aku. Taan asi endo anioo en oras iow tumangka' Yaku wo asi oras anioo si makakawasa ing kariréimbengan mai kumawasa.”

Lukas 22:53 Iomraidhean Croise

Matius 21:23

An tutuw i Yesus icateka'o ang kintal im Balé Le'nas wo Sia tumo'tolo sumusui a sé tou, wo mai sé kikiiten é imam wo sé matu'a é tou Yahudi. Wuéien éra, “Maké ing kawasa sapa réén akar ro'na émaan-Mu waya en itu? Si séi réén e iméé ing kawasa itu ai Co?”

Lukas 22:52

Wo icua-Na a sé kikiiten é imam wo sé kikiiten é matéir im Balé Le'nas wo sé matu'a é tou Yahudi sé mai tumangka' Sia, “Paweroten iow réén Aku anio' tou léwo', akar kamu mai tumangka' Yaku maali mai in sa'bel wo im papangkur?

Lukas 22:54

Wo tangkaan éra si Yesus wo asi tampa itu iwali éra mangé Sia am balé i imam wangko'. Si Petrus ka'i kumiit angé taan tayang an somoi.

Yohanes 12:27

Icua ka'i i Yesus, “Wendu keli Aku. Ra'io kailekan-Ku sapa si musti icua-Ku. O Amang, tawangenai wo émaano mai Aku ra'ica mendam in oras ing kasusaan anio'. Taan Aku ra'ica toro mekiupus tanu siitu, ampa'paano i mendam ing kawenduan anio' Aku mai ang kayo'baan anio'.

Yohanes 13:30

Keterima i Yudas i roti itu, sia makala'us kumesot. An tutuw itu wengio.

Yohanes 14:30

Intarépé' Aku ra'io kumeli roma' ai icamu, ampa'paan si kikiiten é sétang si kumawasa ing kayo'baan anio' ang karoro'ano i maai. Taan sia ra'ica wana kawasa sapake' mangé a Yaku.

Yohanes 7:30

An tutuw i Yesus kumua in taniitu, raméjin éra in tumangka' Sia. Taan ra'ica wana mandé esake' tou e méma' in sapa-sapa ai Sia ampa'paan ra'ipé' mai en témpo si aitantuo i Amang Kasuruan.

Yohanes 7:45

Wo sé mengatéir im Balé Le'nas mangé ka'i sumawel a sé kikiiten é imam wo a sé tou Farisi sé rumu'du'o iséra en tumangka si Yesus. Wo sé kikiiten é imam wo sé tou Farisi kumua ai séra, “Kéitu réén Sia ra'ica iwali miow maai am bia'i?”

Kisah Para Rasul 26:18

e mangé muka' im bewerot éra wosama' séra ra'io ka'i menonou ang kariréimbengan taan menonou ang kasendotan, wo ka'i séra ra'io pakakawasan i kikiiten é sétang taan pakakawasan i Amang Kasuruan. Wo in taniitu ampa'paan séra maéman a Yaku, eng kamesé-meséaan éra makéré oka kaampungan wo makéré oka ka'i bagéan si aitantuo i Amang Kasuruan a sé tou sé line'nas-Na.’

Efesus 6:12

Ampa'paan kita merang ra'ica sumundur sé tou, taan en sundurenta itu sé maperénta, wo sé makakawasa wo sé kawasa ing kayo'baan si riréimbeng anio' wo sé roh léwo' an langit.

Kolose 1:13

Kita aiwekaro i Amang Kasuruan asi kawasa ing kariréimbengan wo yéra-Na ang Kakolanoan i Toyaang-Na si caupus-Na keli.