Lukas 22:34 - En Taar Weru a nunuwu' é Tontemboan

³⁴ Taan icua i Yesus ai sia, “Icua-Ku ai co é Petrus, a si endo anio' ra'ipé' kumukuk si co'ko', ico makateluo sumangkal sapaoka ko makatuus Yaku.”

Lukas 22:34 Iomraidhean Croise

Matius 26:34

Wo icua i Yesus ai sia, “En ulitna icua-Ku ai co é Petrus, asi wengi anio', ra'ipé' kumukuk karua si co'ko', ko isumangkalo Yaku makatelu.”

Matius 26:74

Wo tumo'tolo si Petrus kumutuk wo sumumpa, “Ra'ica katuusanku si Tou itu!” An tutuw ituke' kumukuko mai si co'ko'.

Markus 14:30

Wo icua i Yesus ai sia, “En ulitna icua-Ku ai co, asi endo anio' asi wengi anio'ke', ra'ipé' kumukuk karua si co'ko', ico isumangkalo Yaku makatelu.”

Lukas 22:33

Wo isowat i Petrus a si Yesus, “Tuang, yaku uli-ulit kumiit si Tuang mandé aku yuntep am bui kuma'pa patén!”

Lukas 22:35

Wo icua i Yesus a sé murit-Na, “Indior, kamu sumangkumo ayutus-Ku mangé kumua in Abar Kaaruien wo ra'ica winéan-Ku kaloasan e maali im papumpunan in doit, sompoi pawalunan wo selop. Asi témpo itu, awéan réén ai camu sumangkum kinainaan sapa-sapake' mangé?”

Lukas 22:61

Wo si Apo' Yesus suméléng en suméré si Petrus. Wo kata'néiano i Petrus si sumangkumo aicua i Apo' Yesus ai sia, “Ra'ipé' kumukuk si co'ko' asi endo anio', ico makateluo sumangkal Yaku.”

Yohanes 13:38

Isowat i Yesus ai sia, “Uli-ulit réén ko masalé' maté ampa'paan Yaku? En ulitna icua-Ku ai co, si co'ko' ra'ipé' kumukuk, ico isumangkalo Yaku makatelu.”

Yohanes 18:27

Taan sinangkalke' i Petrus wo asi témpo ituke' tumarépé'anke'mai kumukuko mai si co'ko'.