Lukas 22:32 - En Taar Weru a nunuwu' é Tontemboan

³² Taan aisombayang-Kuo ko é Simon, wosama' ko tatap maéman a Yaku. Kekawus im pangepé'an anio' wo sa ko mape'diso wo maémano sumawel a Yaku, ico musti méé ing kaincayaan a sé poo-poowmu akar em paémanen éra makaketer.”

Lukas 22:32 Iomraidhean Croise

Matius 18:3

Wo icua-Na ai séra, “En ulitna icua-Ku mangé ai camu, sa kamu masalé' muntep ang Kakolanoan in Sorga, kamu musti mape'dis wo robano mangé em peri miow meputé im peri i toyaang teké' anio'.

Matius 26:75

Wo kata'néiano i Petrus en aicua i Yesus ai sia, “Ra'ipé' kumukuk si co'ko', ko makateluo sumangkal Yaku.” Wo sia kumesot wo maamé' akar i masesendu'an oka.

Markus 14:72

Wo asi témpo ituke' kumukuko mai makarua si co'ko'. Wo kata'néiano i Petrus en aicua i Yesus ai sia, “Ra'ipé' kumukuk karua si co'ko', ico makateluo sumangkal Yaku.” Wo si Petrus maamé' akar in sesendu'an.

Markus 16:7

Anaé intarépé', mangéo icua a sé murit-Na wo a si Petrus, tana'i, ‘Si Yesus itumouo sumawel wo Sia irumioro mangé ang Galilea. A mangé mbitu sérén iow oka Sia, tanu si sumangkumo aicua-Na ai camu.’ ”

Lukas 8:13

En lulumbo irumongkor an tana' wawatuan ayandé sé tou ilumingao in Taar i Amang Kasuruan ang karapi in arui en até. Taan en Taar itu ra'ica imaa'mut sama' an untep in até éra. Sé tou tanu siitu tumarépé'anke' maéman wo an tutuw imeta'- up im pangepé'an, séra ra'io ka'i maéman a si Amang Kasuruan.

Yohanes 14:19

Ra'io uré ka'i, Yaku ra'io sérén é tou ang kayo'baan anio', taan sérén oka ka'i miow Aku ampa'paan Yaku tumou oka sumawel. Yaku tumou sumawel, anaé kamu ka'i tumou oka sumawel.

Kisah Para Rasul 3:19

Ampa'paano in itu, itela'uo mio' eng kaléwo-léwo'an sé pengaémaan iow wo mape'diso mangé wosama' eng kamesé-meséaan iow ampungan i Amang Kasuruan.

Roma 8:32

Si Toyaang-Na in esa ra'ica pena-nangen-Na en sumangkum ing kawenduan taan aisarakan-Na torona kita im baya. Sa taniitu, tantu iwéé-Na oka ai cita em baya-waya mewali-wali wo Sia.

Roma 8:34

Ra'ica wana tou e ro'na méé séa', ampa'paan bélan oka i Kristus Yesus an dior i Amang Kasuruan. Sia imatéo torona icita wo tinou sumawel, wo makalukut ang kakan i Amang Kasuruan wo mekiupus torona icita.

2 Timotius 2:18

Séra in dua itu isumélé'kowo a si sususuien wutul. Pengasusui éra sapaoka sé tou imatéo, tinouo sumawel i Amang Kasuruan, anaé ra'io wana tou en touené' sumawel. Wo em pengasusui éra itu, lumicokoo piraan tou sé maémano a si Yesus.

Titus 1:1

En surat anio' a yaku owo, Paulus. Yaku anio' ata i Amang Kasuruan wo ruru'du'an i Yesus Kristus. Yaku ayutus en tumawang sé tou sinisiro i Amang Kasuruan wosama' em paémanen éra makaketer wo ro'na makailek in sususuien wutul. En sususuien itu en tumawang iséra tumambisa menonou mengaapo' a si Amang Kasuruan.

Ibrani 12:15

Mareti-retio mangé oréoka awéan esaan ai camu kumélong in upus aitambér i Amang Kasuruan. Ampa'paan sa awéan tou tanu siitu, sia mamuali tanu in tinanem racung an uner iow akar méma' ing kasusaan wo en racungna luméwo' sé tou keli.

Ibrani 7:25

Ampa'paano in itu si Yesus makawoo lumowir ang karapi in lekep sé pakasa in tou sé aiwali-Na mangé a si Amang Kasuruan, ampa'paan si Yesus menonou akar ing kauré-uré si mekiupus a si Amang Kasuruan torona éra.

1 Petrus 1:1

En surat anio' a yaku owo Petrus, si ruru'du'an i Yesus Kristus. En surat anio' aipaticku ai camu sé tou sinisir i Amang Kasuruan e mamuali anu-Na. Icamu anio' asalo imanangkéi wo maento' an uner é tou sé ra'ica maéman wo isumeraro an sangkum im Pontus, Galatia, Kapadokia, Asia Teké' wo am Bitinia.

1 Petrus 1:13

Keliano e niéma' i Amang Kasuruan ai camu, ampa'paan in ituo tu'tuleno mio' em bewerot iow e méma' andumoro' sé loor wo tumang in owak ra'ica méma' andumoro' in léwo' wo ituliro mio' waya em paarapen iow asi kamang si tambér oka mai i Amang Kasuruan ai camu an tutuw i Yesus Kristus maai sumawel.

1 Petrus 1:5

Ampa'paan kamu maéman a si Amang Kasuruan, pakatéiran-Na kamu ang karapi ing kawasa-Na, wosama' kamu ro'na tumerima ing kamang kalowiran sé aitu'tul-Nao em béé oka ai camu a si endo-endo kaka'puan ing kayo'baan.

2 Petrus 3:14

Ampa'paan in ituo é poo-poow sé caupusku, ang karoro'an iow maento-ento' im pakasa itu mamuali, kamu musti rumaméji menonou le'nas wo ra'ica wana kaséaan an dior i Amang Kasuruan wo meeluran ang karapi-Na.

1 Yohanes 2:19

Mémang séra itu tou an unerta owo, taan séra itu ra'ica touta. Ampa'paan sa séra itu touta, tantu séra kasake' mewali-wali wo icita. Taan ampa'paan séra itumanéo wo icita, en itu mamuali tuus sa séra itu ra'ica touta.