Lukas 21:8 - En Taar Weru a nunuwu' é Tontemboan

⁸ Isowat i Yesus, “Matéi-téiro mangé kamu, wosama' kamu ra'- ica sélé'kow é tou. Ampa'paan kelian sé tou e maai sa wo mangaku sapaoka séra itu Yaku. Icua éra in tana'i, ‘Yakuo si Kristus!’ Wo icua éra ka'i, ‘En endo kaka'puan ing kayo'baan makatawio!’ Taan tioo percayan iow séra.

Lukas 21:8 Iomraidhean Croise

Matius 24:11

Kelian sé nabi ra'ica wutul mapaturu' oka wo sumélé'kow sé tou keli.

Matius 3:2

“Mape'diso mangé ang kamesé-meséaan, ampa'paan eng Kakolanoan i Amang Kasuruan makatawio!”

Matius 4:17

An tutuw itu si Yesus tumo'tolo kumua a sé tou, “Mape'diso mangé, ampa'paan eng Kakolanoan i Amang Kasuruan makatawio!”

Lukas 17:23

Wo cua oka é tou ai camu, ‘Sérén angé, Sia a mangé mbitu’, kuma'pa ‘sérénai, Sia am bia'i!’ Taan tioo kamu mangé am bitu, tioo kumiit angé.

Lukas 21:7

Wo wuéien é murit i Yesus ai Sia, “Icua i Guru em Balé Le'nas itu pakatongka-tongkaren oka, kawisa réén en itu mamuali? Wo sapa réén en tuusna sa en itu tawio mamuali?”

Lukas 21:9

Wo sa kamu luminga in abar andumoro' im perang wo andumoro' sé tou mengasundur sé pemerénta, tioo kamu maindé'. Ampa'paan pakasa en itu musti mamuali owo, taan en itu ra'ipé' an témpona ing kaka'puan ing kayo'baan.”

Yohanes 5:43

Yaku mai ang karapi i ngaran i Amang-Ku, taan ra'ica kiim iow tumerima Yaku. Taan sa tou walina e mai ang karapi i ngaranna in esa, icasalé' miow tumerima sia.

Yohanes 8:24

Ampa'paano in itu icua-Ku, kamu maté oka ang karapi in da'ica wana kaampungan ang kamesé-meséan iow. Ampa'paan sa ra'ica percayan iow Yakuo Sia, kamu maté oka ang karapi in da'ica wana kaampungan ang kamesé-meséaan iow.”

Yohanes 8:28

Ampa'paan in itu, icua i Yesus ai séra, “An tutuw airangka' miow Aku Toyaang i Tou ang kayu salip, kakailekan oka miow Yakuo Sia si ipakua-Ku ai camu itu. Wo kakailekan iow oka ka'i Yaku ra'ica maéma' in sapa-sapa kumiit ing kasalé'an-Ku in esa, taan Yaku asaloke' kumua sapa sé aisusui i Amang-Ku.

1 Korintus 6:9

Ra'ipé' réén kailekan iow sapaoka sé tou mengaéma' sé ra'ica wutul séra ra'ica mamuali tou i Amang Kasuruan ang Kakolanoan-Na? Ampa'paan in itu tioo kamu kauwakan. Sé tou cabul, maapo' a sé opo-opo', sé tou mabersina wo si ra'ica penanaanna, mengacabul wo sé kakélé tuama,

Efesus 5:6

Tioo kamu isélé'kow é tou i nunuwu' sé ra'ica wana torona, ampa'paan en itu iméma' ing kae'bowan i Amang Kasuruan a sé tou sé ra'ica le'tek ai Sia.

2 Tesalonika 2:3

Tioo kamu kauwakan é tou sapake' mangé en lalanna. Ampa'paan an tutuw ra'ipé' mai si Apo' Yesus, tantu mamuali owo sé andumoro' in anio': Keli sé tou maéman mamualio léwo' wo kumélong si Casuruan. Wo awéan si tou luméwo-léwo' mai mapaturu' in owakna, si tou itu aitantuo yuntep ang kayo'baan é tou imatéo.

2 Timotius 3:13

Taan sé tou léwo' wo sé tou mengauwak, séra itu makaléwo' oka. Séra mengauwak sé tou, taniitu ka'i wo sé tou walina maréng sumawel sumuli' muwak iséra.

1 Yohanes 4:1

Poo-poow sé icaupusku, ra'ica toro percayan iow sé im pakasa in tou sé mangaku sa séra awéan Roh i Amang Kasuruan. Taan aweso taré ujin owo mio' séra wosama' ro'na kakailekan sa e Roh ai séra itu uli-ulit asi Amang Kasuruan owo. Ampa'paan kelian nabi ra'ica wutul imapaturu'o wo isumeraro ang kayo'baan anio'.

2 Yohanes 1:7

Kelio tou sé mengasélé'kow imapaturu'o wo isumeraro ang kayo'baan anio'. Séra itu ra'ica kiim mangaku sapaoka si Yesus Kristus imayo ang kayo'baan tanu in tou. Sérao sé mengauwak wo kaséké' i Kristus.

Wahyu 1:3

Pakakamangen sia si maca i nunuwuun i Amang Kasuruan anio' wo séra sé luminga wo mengaéma' sé aipatic an surat anio', ampa'paan pakasa en itu ra'io uré ka'i mamuali.

Wahyu 12:9

Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.