Lukas 20:10 - En Taar Weru a nunuwu' é Tontemboan

¹⁰ An tutuw in orasnao imupu' in anggor, iru'du'na si esa ata mangé a sé tou matawoi in umana e mangilek im bagéanna am buéna in anggor itu. Taan si ata itu pinangkurke' é tou matawoi in uma wo iru'du' éra maréng ra'ica maali sapa-sapa.

Lukas 20:10 Iomraidhean Croise

Lukas 13:34

Éi tou Yerusalem, éi tou Yerusalem! Pinaté miow sé nabi wo ka'i winangkil iow im batu sé tou ayutusai i Amang Kasuruan. Makapirao Aku masalé' lumi'us icamu im baya mai anduru-Ku, meputé si inang é ko'ko' lumi'us sé sisina an darem in tétéléwna. Taan ra'ica kiim iow.

Lukas 20:11

Kumawus in itu iru'du'na ka'i mangé esa ata walina. Taan si ata itu ka'i pinangkur érake' wo ipapalawi' éra wo iru'du' éra maréng ra'ica imaali sapa-sapa.

Lukas 20:9

Kekawus in itu sisil i Yesus en andéan anio' a sé tou keli: “Awéan esa tou muka' in uma en usewanna in anggor. Wo iséwana en uma itu a sé tou matawoi in uma. Wo sia mangé an doong walina wo uré-uréan toyo' mento' a mangé mbitu.

Yohanes 15:16

Ra'ica icamu en isumisir Yaku, taan Yakuo en isumisir icamu mamuali murit-Ku. Kamu winéan-Kuo tawoien, wosama' kamu mangé wo méé wua'na kumeli-keli sé ra'ica maka'pu. Anaé, sapake' em pangileken iow a si Amang-Ku a ngaran-Ku, en itu iwéé-Na oka ai camu.

Roma 7:4

Taniitu ka'i kamu, é poo-poowku. Indior kamu kinawasa in ukum Torat. Taan intarépé' kamu tanu imatéo mewali-wali wo in owak i Kristus akar kamu aicawekaro an ukum Torat. Wo kamu mamualio anu i Kristus si tinou sumawel an uner é tou imaté wosama' eng katouanta awéan torona a si Amang Kasuruan.