Lukas 2:47 - En Taar Weru a nunuwu' é Tontemboan

⁴⁷ Wo pakasa in tou mangaya-ngaya'ka' makalinga im pakanuwu'-Na wo eng kapandéi-Na masowat im buwuéien éra.

Lukas 2:47 Iomraidhean Croise

Matius 13:54

Wo icateka'o mangé Sia an doong-Na, am bitu Sia sumusui a sé tou am balé paapo'an é agama Yahudi. Séra mangaya-ngaya'ka' wo kumua, “Am bisa réén eng kinéréan-Na ing kapinteran itu wo ing kawasa e méma' ing kakaya'kaan-kakaya'kaan itu?

Matius 22:33

Kelinga é tou keli en aicua i Yesus, séra mangaya-ngaya'ka' ampa'paan icasalé' éra keli en sususuien-Na itu.

Matius 7:28

An tutuw i Yesus makasusuio, sé tou keli mangaya-ngaya'ka' luminga in sususuien-Na.

Markus 1:22

Séra mangaya-ngaya'ka' luminga in sususuien-Na, ampa'paan Sia mengasusui wuta ing kawasa, ra'ica tanu sé makailek wutul in Torat.

Markus 11:18

An tutuw é kikiiten é imam wo sé makailek wutul in Torat luminga andumoro' ing kamamualian itu, séra rumaméji maté Sia. Taan icaindé' éra Sia ampa'paan en sususuien-Na iméma' pakasa sé tou mangaya-ngaya'ka'.

Markus 6:2

Asi endo Sabat tumo'tolo Sia masusui am balé paapo'- an é agama Yahudi. Asi témpo itu keli en tou mai luminga Sia, séra mangaya-ngaya'ka' wo kumua “Am bisa réén eng kinéréan-Na waya in anio'? Kapinteran sapa si aiwéé ai Sia? Tumambisa ro'na émaan-Na en tuu-tuus kakaya'kaan taniitu?

Lukas 2:18

Wo pakasa sé tou iluminga in aicua é gembala itu mangaya-ngaya'ka'.

Lukas 2:46

Telu ngandoo Sia paéré-érén wo ipeta'up éra Sia am Balé Le'nas. Sia makalukut an uner é guru agama Yahudi makalinga wo memuéi-muéi ai séra.

Lukas 4:22

Wo pakasa sé tou itu kumua, pakasa sé aicua-Na itu wutul wo séra mangaya-ngaya'ka' ampa'paan pakasa sé nunuwu' airoma'-Na itu kaaruien oka mai. Kumawus in itu séra mengkuanan, “Ra'ica réén Sia itu Toyaang i Yusuf?”

Lukas 4:32

Sé tou am bitu mangaya-ngaya'ka' luminga in sususuien-Na ampa'paan Sia manuwu' wuta ing kawasa.

Yohanes 7:15

Sé kikiiten é agama Yahudi mangaya-ngaya'ka' luminga in sususuien i Yesus wo icua éra, “Tambisa si Tou anio' taniitu eng kakeli eng kakailekan andumoro' ing Kitap Le'nas? Si Tou anio' ra'ica sumicola tanu icita.”

Yohanes 7:46

Wo isowat é mengatéir im Balé Le'nas itu, “Ra'ipé' wana tou en sinéré ami mai menganuwu' kaputé Sia!”