Lukas 2:46 - En Taar Weru a nunuwu' é Tontemboan

⁴⁶ Telu ngandoo Sia paéré-érén wo ipeta'up éra Sia am Balé Le'nas. Sia makalukut an uner é guru agama Yahudi makalinga wo memuéi-muéi ai séra.

Lukas 2:46 Iomraidhean Croise

Matius 12:40

Ampa'paan kaputé i nabi Yunus mento' an untep im poot i sera' wangker telu ngando wo telu ngawengi, taniituo ka'i mai si Toyaang i Tou mento' oka an untep ing kubur telu ngando wo telu ngawengi.

Matius 16:21

Tumo'tolai asi témpo itu, ipengua-ngua i Yesus a sé murit-Na sapaoka Sia musti maangé an Yerusalem, wo mamuléng oka ing keli kawenduan asé matu-matu'a é tou Yahudi, sé kikiiten é imam, sé makailek wutul in Torat owo, wo patén éra taan a si endo katelu Sia tumou sumawel.

Lukas 2:47

Wo pakasa in tou mangaya-ngaya'ka' makalinga im pakanuwu'-Na wo eng kapandéi-Na masowat im buwuéien éra.

Lukas 5:17

Asi makasa an tutuw i Yesus masusui, awéan piraan tou Farisi wo sé makailek wutul in Torat makalukut makalinga Sia. Séra mai am pakasa in doong ang Galilea, Yudea wo ka'i an Yerusalem owo. Eng kawasa i Amang Kasuruan awéano a si Yesus en sumama' sé tou sumakit.

Yohanes 3:10

Isowat i Yesus, “Ico guru agama si pasiri-siriin é tou Israel, kéitu réén ra'ica kaangéanmu sé andumoro' in itu?

Kisah Para Rasul 5:34

Taan awéan si esa tou anggota i Mahkamah Agama makangaran Gamaliel. Sia guru in ukum Torat ang golongan Farisi wo ka'i pasiri-siriin é tou. Wo sia tumulung am bitu wo rumu'du' sé tou wosama' kumesot toyo' am bitu.

1 Timotius 1:7

Séra itu sé masalé' mamuali guru en sumusui in ukum Torat si aipatic i Musa, taan ra'ica kailekan éra sapa em pasusui éra itu.