Lukas 2:40 - En Taar Weru a nunuwu' é Tontemboan

⁴⁰ Wo si Yesus makawangkoo wo makaketero ka'i. Sia wuta ing kapinteran asi Amang Kasuruan wo icaupus-Na keli.

Lukas 2:40 Iomraidhean Croise

Lukas 1:80

Makauré si Yohanes makawangkoo wo makaketero ka'i em paémanenna a si Amang Kasuruan wo em perina makalooro. An tutuwna imawangkoo, sia mangé mento' an tana' kapayasan, akar sia tumo'tolo maéma' in tawoienna an uner é tou Israel.

Lukas 2:47

Wo pakasa in tou mangaya-ngaya'ka' makalinga im pakanuwu'-Na wo eng kapandéi-Na masowat im buwuéien éra.

Lukas 2:52

Wo si Yesus makawangkoo wo makaaweso ka'i eng kapinteran-Na. Sia icaupus i Amang Kasuruan wo icasalé' ka'i é tou.

Yohanes 1:14

Wo en Taar itu mamualio tou wo Sia mento' an unerta. Wo sinérétao eng kawangko'-Na itu, si tinerima-Nao asi Amang owo ampa'paan Sia Toyaang-Na in Esa-esa. Ampa'paan en Taar si mamualio tou itu, kinailekantao andumoro' in upus aitambér i Amang Kasuruan wo in sususuien wutul-Na.

Kisah Para Rasul 4:33

Wo ang karapi ing kawasa wangko', sé ruru'du'an méé kasairian andumoro' i Apo' Yesus si tinou sumawel am papaté. Wo séra im baya menonou an upus si aitambér i Amang Kasuruan si ra'io icakua.

Efesus 6:10

Kumusi' in surat anio', kamu musti keter maké ing kaketeran si kinéréan iow asi Amang Kasuruan owo, ampa'paan kamu imeesa ang karapi-Na.

2 Timotius 2:1

Timotius, toyaangku! Si Kristus Yesus tumambéro mai in upus-Na ai co, ampa'paan in ituo pakéno en itu eng kumeter in atému.