Lukas 2:39 - En Taar Weru a nunuwu' é Tontemboan

³⁹ Pakaémaanai i Yusuf wo si Maria pakasa eng kanaramen kumiit in ukum Torat wo séra maréngo mangé sumawel ang kota paento'an éra si a Nazaret ang Galilea.

Lukas 2:39 Iomraidhean Croise

Matius 3:15

Wo isowat i Yesus ai sia, “Mandéo ico e maptis Yaku. Wo in taniitu niéma'tao eng kasalé'an i Amang Kasuruan.” Kelinga in itu, kiitan i Yohanes en aicua i Yesus.

Lukas 1:26

An tutuw i Elisabet enemo ngaserap maowa-owak, iru'du' i Amang Kasuruan si malaékat Gabriel mangé an esa kota makangaran Nazaret an sangkum ing Galilea.

Lukas 1:6

Séra in dua mengaéma' im butul an dior i Amang Kasuruan wo wutu-wutul makiit waya im perénta wo in atoran i Amang Kasuruan.

Lukas 2:4

Taniitu ka'i si Yusuf, sia a Nazaret owo ang Galilea, mangé ang kota Daud makangaran im Betlehem an Yudea. Sia musti maréng angé am bitu ampa'paan sia itu taranak i Daud.

Lukas 2:51

Wo si Yesus maréng a Nazaret mewali-wali wo sé matu'a-Na wo Sia menonou le'tek a sé matu'a-Na. Pakasa sé imamuali itu pakaéma'ke' i Maria an untep in aténa.

Lukas 4:16

Asi makasa si Yesus mai a Nazaret si tampa winangko'an-Na. Imamualio kanaramen-Na asi endo Sabat, Sia muntep am balé paapo'an é agama Yahudi. Am bitu Sia tumulung e maca ing Kitap Le'nas.

Lukas 4:23

Wo icua i Yesus ai séra, “Tantu icua oka miow a Yaku si andéan anio', ‘Éi dokter, samaano mio' en owak-Mu in esa.’ Icua miow in taniitu ampa'paan liningao miow sapaoka Aku iméma'o ing kakaya'kaan ang kota Kapernaum wo en itu musti émaan-Ku ka'i an doong-Ku in esa.”