Lukas 2:14 - En Taar Weru a nunuwu' é Tontemboan

¹⁴ “Irayoo wo siriino mangé si Amang Kasuruan an tampa rumangka-rangka'! Wo am bawo ing kayo'baan wéan-Na mai ing kaeluran a sé tou sé mengaarui in até-Na.”

Lukas 2:14 Iomraidhean Croise

Matius 21:9

Wo sé tou keli mawaya' an dior-Na wo awéan ka'i sé makiit an somoi. Séra mewali-wali maangko', “Hosana a si taranak i Daud! Irayoo mangé Sia si mai ang karapi i ngaran i Amang Kasuruan! Hosana ai Sia asi tampa rumangka-rangka'!”

Lukas 1:79

en sumendot in até é tou sé menonoué' ang kariréimbengan wo sé tou menonoué' ang kaindé'an. Wo mai-Na oka akinen kita kumiit in lalan maangé asi katouan wuta ing kaeluran.”

Lukas 19:38

Icua éra, “Rayoo Sia si mai tanu Kolano si mai ang karapi i ngaran i Amang Kasuruan! Kita pineeluro wo si Amang Kasuruan si an sorga wo rayoo wo siriino Sia asi tampa Rumangka-rangka'!”

Lukas 2:13

Kumawusai si malaékat itu maroma', mapaturu'o mai kekelian malaékat an sorga owo mewali-wali wo si malaékat itu. Wo séra im baya mewali-wali rumayo si Amang Kasuruan. Icua éra,

Lukas 2:15

Kekawus é malaékat maréng angé an sorga, sé gembala itu kumua a si esa wo si esa, “Mayoo kita maangé am Betlehem, en suméré sapa e mamuali a mangé mbitu, meputé si aicua i Casuruan ai cita.”

Lukas 3:22

wo e Roh Le'nas si tanuoka mombo tumumpa mai ai Sia. Wo kalingaano en suara i Amang Kasuruan maroma' in tana'i, “Icoo si Toyaang-Ku si caupus-Ku. Icoo e mengaarui in até-Ku.”

Yohanes 14:27

Eng kaeluran itela'u-Ku ai camu. Wo eng kaeluran-Ku iwéé-Ku ai camu, wo sapa si aiwéé-Ku ra'ica meputé wo si aiwéé é tou ang kayo'baan. Ampa'paan in ituo tioo kamu ra'io makaaté in sama' wo kamu tioo maindé-indé'.

Yohanes 17:4

Si Amang iparayo wo pasiriin-Ku ang kayo'baan anio', ampa'paan pinakatawoi-Kuo waya sé airu'du' i Amang in émaan-Ku.

Yohanes 3:16

Ampa'paan taloso wangko' eng kaupusan i Amang Kasuruan a sé tou ang kayo'baan anio' akar iwéé-Na mai si Toyaang-Na si Esa-esa, wosama' si séike' si maéman ai Sia ra'ica maté taan makéré ing katouan akar ing kauré-uré.

Kisah Para Rasul 10:36

Siituo en Taar aicua i Amang Kasuruan a sé tou Israel. Icua-Na en Abar Kaaruien andumoro' si Yesus Kristus si maali mai ing kaeluran ai séra e méma' in ubungan éra wo si Amang Kasuruan maloor. Si Yesus Kristuso si Casuruan é pakasa sé tou.

Roma 5:1

Intarépé' kita nianggapo wutul i Amang Kasuruan ampa'paan im paémanenta. Wo kita meelurano sumawel wo si Amang Kasuruan ampa'paano i Apo'ta Yesus Kristus.

Efesus 1:6

Ampa'paan in ituo, irayoo mangé si Amang Kasuruan, ampa'paan tinambéran-Nao mai in upus wangko' ai cita sé meesa wo si Yesus Kristus, Toyaang si paupu-upus-Na keli.

Efesus 1:9

Intarépé' em pawasa-wasan itu aicua-Nao ai cita kumiit ing kasalé'an-Na, siituo si pawasan indior si pakaenepé' a sé tou. Wo em pawasa-wasan-Na itu pinusé'-Nao lekepen oka i Kristus.

Efesus 2:4

Taan taloso wangko' eng kaupusan i Amang Kasuruan! Kita icaupus-Na keli,

Efesus 2:7

Niéma' i Amang Kasuruan pakasa en itu wosama' asi témpo maai sa, ituru'-Na oka eng kawangko' in upus-Na si mawuta-wuta kiit ing kasamaan-Na ai cita sé meesao ang karapi i Kristus Yesus.

Filipi 2:11

wo séra im baya mangaku sapaoka si Yesus Kristus itu Kasuruan. Wo in taniitu, si Amang Kasuruan Amangta em parayo wo pasiriin.

Filipi 2:13

Kamu ro'na menonou tanu siitu ampa'paan si Amang Kasuruan in esao si matawoi an até miow, akar kamu ro'na menonou kiit ing kasalé'an-Na wo ro'na imaéma' sé icasalé'-Na.

Kolose 1:20

Wo ampa'paan si Kristus ituo, akar émaan i Amang Kasuruan pakasa sé ang kayo'baan wo sé an sorga meeluran sumawel wo Sia. Niéma'-Na pakasa ro'na meeluran sumawel wo Sia, ampa'paano in enda' i Kristus si maté ang kayu salip.

2 Tesalonika 2:16

Si Apo'ta Yesus Kristus wo si Amang Kasuruan, Amangta mengaupuso mai cita. Aitambér-Nao mai en upus-Na ai cita wosama' ro'na méé ing kaketeran an até akar ing kauré-uré, wo méé mai im paarapen ai cita e makéré oka sé loor.

Wahyu 5:13

Wo kalingaanku pakasa sé mahluk an sorga, ang kayo'baan, an darem ing kayo'baan wo an ta'sic, séra mewali-wali kumua, “Toronake' Sia si makalukut am palukutan pasiri-siriin wo torona i Toyaang i Domba, e rarayo wo in sisiri' wo iparayo-rayo wo pasiri-siriin wo ing kawasa akar ing kauré-uré.”