Lukas 2:10 - En Taar Weru a nunuwu' é Tontemboan

¹⁰ Taan icua i malaékat itu ai séra, “Tioo maindé'! Ampa'paan aku mai kumua in abar kaaruien wangko' ai camu. En abar anio' méma' oka pakasa in tou masalé-salé'.

Lukas 2:10 Iomraidhean Croise

Matius 14:27

Taan makala'us icua i Yesus ai séra, “Meneso! Si anioo Aku, tioo maindé'.”

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Matius 28:5

Icua i malaékat a sé wéwéné itu, “Tioo kamu maindé'! Kailekanku kamu maéré-éré si Yesus si aisalip itu.

Markus 1:15

Wo icua-Na, “En témpona imalekepo, eng Kakolanoan i Amang Kasuruan makatawio. Anaé, mape'diso wo émanenno mangé en Abar Kaaruien i Amang Kasuruan.”

Markus 16:15

Wo icua-Na ai séra, “Mangém kamu am pakasa ing kayo'baan, wo icuao mangé en Abar Kaaruien-Na a sé im pakasa in tou.

Lukas 1:13

Taan icua i malaékat itu ai sia, “Zakharia tioo maindé'! Ampa'paan en sombayangmu liningao i Amang Kasuruan. Si penanaanmu Elisabet makéré oka esa toyaang tuama wo musti ngarananmu sia Yohanes.

Lukas 1:19

Wo isowat i malaékat itu, “Yaku anio' si Gabriel si maselewir si Amang Kasuruan. Sia e rumu'du' mai yaku eng kumua in abar loor anio' ai co.

Lukas 1:30

Wo icua ka'i i malaékat itu ai sia, “Maria, tioo maindé'! Ampa'paan ico makéréo ing kaupusan i Amang Kasuruan.

Lukas 2:11

En abar itu tana'i: Asi endo anio' ang kota Daud makangaran im Betlehem itumouo si Lumolowir iow, Siao si Kristus, si Kasuruan.

Lukas 24:47

Wo aipatic ka'i sapaoka en abar anio' musti sisil angé maké ing kawasa i ngaran-Na a sé pakasa im bangsa tumo'tol an Yerusalem akar am pakasa ing kayo'baan: Si séike' e mape'dis ang kamesé-meséaan ampungan oka i Amang Kasuruan.

Lukas 8:1

Kekawus in itu, si Yesus mangé ang kota-kota wo an doo-roong eng kumua in Abar Kaaruien andumoro' ing kakolanoan i Amang Kasuruan. Sé sangapulu' rua murit i Yesus icumiit ang karapi-Na.

Kisah Para Rasul 13:32

Wo kami intarépé' makua in Abar Kaaruien andumoro' i Yesus Kristus ai camu, si aijanjio i Amang Kasuruan indior a sé apo-apo'ta.

Roma 10:15

Wo tumambisa sé tou mangé kumua in andumoro' Sia, sa ra'ica wana en yutus? Tanu en aipatic ang Kitap Le'nas, “Arui keli sa awéan tou e maai kumua in Abar Kaaruien andumoro' i Yesus Kristus!”

Efesus 3:8

An uner im pakasa é tou le'nas, yakuo si wawa' keli, taan ampa'paan in upus aitambérai itu, yaku sinisiro eng kumua a sé tou ra'ica Yahudi andumoro' ing kawangko' i Kristus si ra'io ka'i cakua,

Kolose 1:23

Ampa'paano in itu kamu musti le'tek maéman wo kasake' keter makatimboi asi Abar Kaaruien andumoro' si Yesus Kristus. Wo tioo itela'u miow em paarapen si an untep in Abar Kaaruien itu, si aiwééo ai camu wo liningao miow. Wo en Abar Kaaruien itu aicuao a sé pakasa é tou ang kayo'baan. Wo yaku Paulus mamuali tou mengaselewir eng kumua in Abar Kaaruien andumoro' i Yesus Kristus itu.