Lukas 19:5 - En Taar Weru a nunuwu' é Tontemboan

⁵ An tutuw i Yesus icateka'o an duru in tuura in ara itu, kanaten-Na mangé si Zakheus wo icua-Na, “Zakheus, morak tumumpao mai ko! Ampa'paan asi endo anio' Aku musti lumosér am balému.”

Lukas 19:5 Iomraidhean Croise

Lukas 19:10

Ampa'paan si Toyaang i Tou mai e mangéré sé tou itumayango asi Amang Kasuruan wo lumowir iséra an ukuman ing kamesé-meséaan.”

Lukas 19:2

Ang kota itu awéan si esa tou kikiiten é matagi im pajak, sia ka'i tou siya' e ngaranna Zakheus.

Lukas 19:4

Wo sia tuméron rumior angé asé tou keli itu wo lumaput an tuura in ara wosama' ro'na kaséréanna si Yesus en lumangkoi am bitu.

Lukas 19:6

Wo sia mario-rior tumumpa wo terimanna si Yesus ang karapi in arui en até.

Yohanes 1:48

Wuéien i Natanael a si Yesus, “Tambisa réén Ko wo makatuus yaku?” Isowat i Yesus ai sia, “Ra'ipé' tinowa i Filipus ko, tutuw ko an darem im panga-pangana in tuura in ara, sinéré-Kuo ko.”

Yohanes 14:23

Isowat i Yesus ai sia, “Si tou mengaupus Yaku, tantu émaanna oka en taar-Ku, wo sia icaupus oka i Amang-Ku. Yaku wo si Amang-Ku maai oka ai sia wo mento' ang karapina.

2 Korintus 6:1

Ampa'paan kami matawoi mewali-wali wo si Amang Kasuruan, pekiupusen ami imauli-ulit ai camu wosama' tioo paepesen iow im beren en upus aitambér i Amang Kasuruan si tinerimao miow itu.

Efesus 3:17

akar si Kristus mento' an até miow ampa'paan kamu maéman ai Sia wo eng katouan iow maa'mut wo tumuur a si upus-Na.

Ibrani 13:2

Tioo marua-rua até en tumerima si séike' en lumosér am balé miow mandé ka'i ra'ipé' katuusan iow. Ampa'paan ang karapi méma' in taniitu, awéan sé piraan tou indior ra'ica kinailekan éra itumerimao sé malaékat am balé éra.

Wahyu 3:20

Séréno! Yaku makatulung an dior im papalen wo tuméngkor. Sa awéan tou luminga in suara-Ku wo muka' im papalen, muntep oka Aku meta'up wo isia, wo kuman mewali-wali wo isia, wo sia kuman mewali-wali wo Yaku.