Lukas 19:21 - En Taar Weru a nunuwu' é Tontemboan

²¹ Icaindé'ku si tuang ampa'paan si tuang tou bengis. Si tuang mengaindo sapa si ra'ica anu i tuang wo mengaupu' si ra'ica ayusew i tuang.’

Lukas 19:21 Iomraidhean Croise

Lukas 19:20

Mai ka'i si ata walina wo kumua, ‘Tuang, nio' en doit mina i tuang, sinaputku in lénso wo ayéma'ku sumama-sama'.

Lukas 19:22

Wo icua i tuangna a si ata itu, ‘Éi ata léwo'! Akimenku ko iciit in aicuamu in esa. Kailekanmuo em periku keté, mengaindo si ra'ica anuku wo mengaupu' si ra'ica ayusewku.’

Roma 8:15

Ampa'paan e Roh aiwéé i Amang Kasuruan ai camu itu, ra'ica méma' icamu mamuali ata akar kamu menonou ang kaindé'an. Taan e Roh aiwéé i Amang Kasuruan itu, méma' icamu mamuali toya-toyaang i Amang Kasuruan. Wo e Roh i Amang Kasuruan itu maakin icita akar patowanta si Amang Kasuruan, “Amang, o Amangku!”

Roma 8:7

Wo sé tou pakakawasané' ing kasalé'an in owak in esa, séra menséké'an wo si Amang Kasuruan, ampa'paan séra ra'ica le'tek an ukum i Amang Kasuruan. En ulitna en ukum itu ra'ica kaémaan éra.

2 Timotius 1:7

Ampa'paan si Amang Kasuruan ra'ica méé i Roh-Na ai cita wosama' kita maindé', taan iwéé-Na e Roh-Na wosama' en atéta maketer, wo ro'na mengaupus sé tou walina wo ka'i iméma' icita ro'na kumawasa in owakta in esa.

Yakobus 2:10

Ampa'paan si séi eng kumiit im pakasa in ukum i Amang Kasuruan taan esake' en da'ica émaanna, sia sumangkalo pakasa in ukum itu.

1 Yohanes 4:18

Sa kita awéan upus, kita ra'ica wana eng kaindé'an, ampa'paan en upus si lekep itu kuma'pu ing kaindé'an. Sé tou makapendam in indé', ampa'paan sia maanggap in owakna patus in ukumen. Anaé, si tou maindé' tanu siitu ra'ipé' mendam in upus i Amang Kasuruan si lekep itu.

Yudas 1:15

Wo susur in tou akimen-Na oka wo mukum sé tou mengaéma' ing kamesé-meséaan, ampa'paan pakasa eng kaléwo'- an sé pinengaéma' éra wo pakasa em pakaroma' éra mengawawa' wo mengawuruk i ngaran i Amang Kasuruan.”