Lukas 19:16 - En Taar Weru a nunuwu' é Tontemboan

¹⁶ Si ata kataré mai wo kumua ai sia, ‘Tuang, si esa mina aiwéému a yaku itu, intarépé' imamualio sangapulu' mina.’

Lukas 19:16 Iomraidhean Croise

Lukas 19:13

An tutuwna ra'ipé' mangé, towanna owo sé sangapulu' atana wo wéanna makélé esa mina. Wo icuana ai séra, ‘Pakéno en doit anio' e mangkér akar aku maréngai sumawel.’

Lukas 19:15

Taan si tou itu kasake' in linantik mamuali kolano. Wo sia maréng sumawel an doongna wo towanna sé ata sé winéanna roit mina, ampa'paan casalé'na kakailekanna pira eng kauntungan kinéréan éra asi esa wo si esa.

Lukas 19:17

Wo icua i tuang itu a si ata itu, ‘Wutu-wutul loor e niéma'mu itu. Ico ata loor wo le'tek. Ampa'paan ko ro'na tinokéan in tawoien teké', anaé wéanku ko kawasa e merénta sangapulu' kota.’

1 Korintus 15:10

Taan ampa'paan in upus si aitambér i Amang Kasuruan, yaku ro'na mamuali ruru'du'an tanu intarépé'. Wo en upus si aitambér i Amang Kasuruan itu uli-ulit awéan wuéna. Sé tinawoiku lumébé mai asé im pakasa é ruru'du'an. En itu ra'ica ampa'paan ing kaketeranku in esa, taan ampa'paano in upus aitambér i Amang Kasuruan mewali-wali wo yaku.