Lukas 19:12 - En Taar Weru a nunuwu' é Tontemboan

¹² Icua i Yesus, “Awéan esa tou wangko' wo pasiri-siriin, mangé an esa roong wangker wo tayang en lantiken mamuali kolano. Pakalantikenai, sia maréng sumawel an doongna.

Lukas 19:12 Iomraidhean Croise

Matius 21:38

Taan an tutuw i toyaang i makauma itu sérén é matawoi in uma itu wo séra mengkuanan, ‘Siao e makaanu in uma anio' sa. Mayoo paténta sia wo en uma anio' mamuali oka anuta.’

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Markus 12:1

Kekawus in itu, tumo'tolo si Yesus rumoma' maké in andéan a sé kikiiten é imam, sé makailek wutul in Torat wo a sé matu'a é tou Yahudi. Icua-Na, “Awéan esa tou imuka' uma en usewan in anggor wo pagerenna en lumi'cir in uma itu. Sia kuma'il lo'beng émaan patepesan in anggor. Wo itoorna ka'i terung rangka' paento'an i matéir. Kumawus in itu iséwana en uma itu a sé tou matawoi in uma wo sia mangé an doong walina.

Markus 16:19

Makanuwu' mako si Apo' Yesus a sé murit-Na, Sia icaangkai angé an sorga wo lumukut ang kakan i Amang Kasuruan.

Lukas 20:9

Kekawus in itu sisil i Yesus en andéan anio' a sé tou keli: “Awéan esa tou muka' in uma en usewanna in anggor. Wo iséwana en uma itu a sé tou matawoi in uma. Wo sia mangé an doong walina wo uré-uréan toyo' mento' a mangé mbitu.

Lukas 24:51

An tutuw Sia kumamang iséra, tumo'tolo Sia icaangkai angé an sorga akar imetalicur wo iséra.

Yohanes 18:37

Wo icua i Pilatus ai Sia, “Anaé, kolano réén Ko?” Isowat i Yesus, “Ico en icumua sapaoka Yakuo si colano. Yaku aitou wo mai ang kayo'baan eng kumua in sususuien wutul andumoro' i Amang Kasuruan. Si séike' sé masalé' luminga in sususuien wutul andumoro' i Amang Kasuruan, tantu pengalinganna sé ipakua-Ku.”

Kisah Para Rasul 17:31

Ampa'paan aitantu-Nao asi esa témpo e makim sé tou karapi i ra'ica marapit, wo aituru'-Nao esa Tou mamuali akim. Wo aituru'-Nao en itu a sé pakasa in tou ang karapi in tumou sumawel si Tou itu am papaté.”

1 Korintus 15:25

Ampa'paan ra'ipé' ang kaka'puan ing kayo'baan, si Kristus musti merénta tanu Kolano akar kalan i Amang Kasuruan pakasa sé kaséké' i Kristus wo iweta'-Na séra am palara ing kécéi i Kristus.

Ibrani 9:28

Taniituo ka'i si Kristus, si makaesake' imaté mamuali iparagés en tumu'bus ing kamesé-meséaan é tou. Kekawus in itu Sia maai karua, ra'io en tumu'bus ing kamesé-meséaan é tou keli, taan e méé ing kalowiran a sé tou sé maento-ento' Sia.

1 Petrus 3:22

Intarépé' si Yesus Kristus imangém an sorga wo lumukut ang kakan i Amang Kasuruan. Wo pakasa sé malaékat, pakasa sé makakawasa wo pakasa ing kaketeran, pakasa in itu an darem ing kakawasaan-Na.

Wahyu 1:7

Sérénno, Sia maai pakali'ciren ing kambung-kambung. Wo pakasa é tou suméré oka Sia, icauntep sé tou imengkow Sia. Wo Sia paamé'an oka waya é bangsa asi cayo'baan anio'. Tanu siituo e mamuali sa. Ulit.