Lukas 19:10 - En Taar Weru a nunuwu' é Tontemboan

¹⁰ Ampa'paan si Toyaang i Tou mai e mangéré sé tou itumayango asi Amang Kasuruan wo lumowir iséra an ukuman ing kamesé-meséaan.”

Lukas 19:10 Iomraidhean Croise

Matius 1:21

Sia makéré oka esa toyaang tuama wo ngarananmu si toyaang itu ‘Yesus’, ampa'paan Sia oka en lumowir sé tou-Na ang kamesé-meséaan éra.”

Matius 10:6

Aweso taré kamu mangé a sé tou Israel sé tanuoka domba-domba sé icasélé'kowo.

Matius 15:24

Isowat i Yesus, “Yaku ayutus asaloke' a sé domba sé icatala asé tou Israel.”

Matius 18:10

“Ta'néien iow sumama-sama'! Tioo paepesen iow im beren sé toyaang teké' anio', ampa'paan itu icua-Ku mangé ai camu, séra itu awéan malaékat makatéir sé tatap mengapaar a si Amang-Ku an sorga. [

Matius 18:11

Ampa'paan si Toyaang i Tou imai ang kayo'baan anio' en lumowir sé tou icasélé'kow.” ]

Lukas 15:32

Anaé, intarépé', kita musti masalé-salé' wo maaru-arui, ampa'paan si tuarimu itu imatéo taan intarépé' itumouo sumawel, sia aicatalao taan intarépé' kinéréano.’ ”

Lukas 15:8

“Awéan esa wéwéné makaanu sangapulu' roit pérak. Wo sia kinatalaan esa. Sapa en émaanna? Tantu sia méngkét in sosoloan, ka'isanna em balé wo érénna sumama-sama' en doit itu akar ing kéréan.

Yohanes 3:17

Ampa'paan si Amang Kasuruan mutus si Toyaang-Na ang kayo'baan ra'ica mai makim sé tou iméma' ing kamesé-meséaan, taan Sia mai en lumowir sé tou an ukuman ing kamesé-meséaan éra.

Roma 5:6

An tutuw kita ra'ica toro méma' in sapa-sapa eng kumesot ang kawasa ing kamesé-meséaan, si Kristus imatéo asi témpo si aitantuo i Amang Kasuruan en tumu'bus ing kamesé-meséaanta sé mengaéma' ing kaléwo-léwo'an.

Ibrani 7:25

Ampa'paano in itu si Yesus makawoo lumowir ang karapi in lekep sé pakasa in tou sé aiwali-Na mangé a si Amang Kasuruan, ampa'paan si Yesus menonou akar ing kauré-uré si mekiupus a si Amang Kasuruan torona éra.