Lukas 18:9 - En Taar Weru a nunuwu' é Tontemboan

⁹ Wo icua i Yesus ka'i en andéan anio' a sé tou sé maanggap in owak éra wutul wo maepeske' im beren a sé tou walina. Icua-Na,

Lukas 18:9 Iomraidhean Croise

Lukas 10:29

Taan si guru agama é Yahudi itu masalé' mapaturu-turu' sapaoka en owakna em butul, anaé sia mamuéi ka'i a si Yesus, “Si séi réén sé kakéléku itu?”

Lukas 15:2

Wo sé tou Farisi wo sé makailek wutul in Torat tumo'tolo mengimbu-ngimbulu. Icua éra, “Si Tou anio' tumerima sé tou iméma ing kamesé-meséaan wo kuman mewali-wali wo iséra.”

Lukas 16:15

Wo icua i Yesus ai séra, “Kamu mapaturu-turu' kéndo' a sé tou walina sapaoka kamu mengaéma' im butul, taan en até léwo' miow kailekan i Amang Kasuruan. Ampa'paan sapa em paanggapen é tou awéan wééna, nianggap i Amang Kasuruan wutu-wutul ra'ica wana wééna.

Lukas 18:11

Si tou Farisi itu tumulung tumané mangé wo sumombayang an untep in até tana'i: ‘O Amang Kasuruan, yaku kumua i makapulu'sama' a si Amang Kasuruan, ampa'paan aku ra'ica mepute wo sé tou walina. Yaku ra'ica maandét, yaku ra'ica mengaéma' in léwo' wo ra'ica mengaéma' in sina. Yaku ka'i ra'ica tanu si matagi im pajak itu.

Lukas 19:7

Taan pakasa é tou sé makaséré in itu mengimbu-ngimbulu. Icua éra, “Sia lumosér oka am balé i tou ang kamesé-meséaan!”

Lukas 7:39

An tutuw i tou Farisi si menot si Yesus suméré sapa e niéma' i wéwéné itu, sia kumua an untep in aténa tana'i, “Sa Sia uli-ulit nabi, tantu kailekan-Na si séi si wéwéné itumimboi ai Sia anio' wo tantu kailekan-Na sapaoka si wéwéné itu wéwéné menonou ang kamesé-meséaan.”

Yohanes 8:48

Wo isowat é kikiiten é agama Yahudi a si Yesus, “Wutul em pakua ami anio', Ico tou Samaria wo rinasuko i sétang.”

Yohanes 9:28

Ang karapi i maséro' icua éra ai sia, “Ico asalo makiit si Tou itu, taan icami makiit si Musa.

Yohanes 9:34

Isowat éra ai sia, “Ketoumuke' mai ico wutao ing kamesé-meséaan, wo icasalé'mu réén en sumusui icami?” Wo sia yusér éra kumesot am balé paapo'an.

Kisah Para Rasul 22:21

Taan icua i Casuruan a yaku, ‘Mangém, iru'du'-Ku oka ko mangé tumayang asi tampa anio' wo mangé a sé bangsa ra'ica Yahudi.’ ”

Roma 10:3

Ampa'paan ra'ica kailekan éra tumambisa em butul wosama' anggapen wutul i Amang Kasuruan, akar séra rumaméji kumiit in lalan éra in esa ang karapi i mengaéma' in ukum Torat, ampa'paan in itu séra ra'ica le'tek kumiit in lalan aituru' i Amang Kasuruan.

Roma 14:10

Anaé, tioo kamu mengawéé ing kaséaan a sé poo-poow an esa paémanen. Wo tioo kamu maséro' a sé poo-poow an esa paémanen. Ampa'paan kita im baya mai tumulung oka an dior i Amang Kasuruan en akimen asi endo kaka'puan ing kayo'baan.

Roma 14:3

Si tou ro'na kuman pakasa ing kakanen tioo mengaséro' si tou kuman in séndéénke'. Taniitu ka'i si tou kuman in séndéénke', tioo mawéé kaséaan a si tou mengakan pakasa ing kakanen, ampa'paan si tou itu tinerimao i Amang Kasuruan.

Roma 7:9

Indior, an tutuwku ra'ipé' makailek in ukum Torat, pawerotenku aku menonou ang karapi in loor. Taan an tutuw kinailekankuo en ukum Torat, eng kamesé-meséaan tumo'tolo menonou an owakku,