Lukas 18:16 - En Taar Weru a nunuwu' é Tontemboan

¹⁶ Taan towan i Yesus sé toyaang wo kumua a sé murit-Na, “Iwayao mio' sé toyaang itu mai a Yaku, tioo pepéro-péronen iow séra, ampa'paan sé tou tanu sé ituo e makaanu ing Kakolanoan i Amang Kasuruan.

Lukas 18:16 Iomraidhean Croise

Matius 19:14

Taan icua i Yesus a sé murit-Na, “Iwayao mio' sé toyaang itu maai a Yaku! Tioo pepéro-péronen séra, ampa'paan sé tou tanu sé ituo e makaanu ing Kakolanoan in Sorga.”

Lukas 18:15

Asi makasa sé tou makawali mai sé toyaang teké' a si Yesus, wosama' si Yesus maro ing kama-Na wo kumamang iséra. Keséré in itu, sé tou itu aicae'bowke' é murit-Na.

Lukas 18:17

En ulitna icua-Ku mangé ai camu, si séi si ra'ica sumungkul ing Kakolanoan i Amang Kasuruan tanu sé toyaang teké', sia ra'ica kawisa muntep ang Kakolanoan-Na.”

Kisah Para Rasul 2:39

Ampa'paan sé aijanjio i Amang Kasuruan itu torona pakasa in tou sé tinowa-Na, icauntep icamu wo sé taranak iow wo ka'i pakasa en tou sé maento' an tampa-tampa tayang.”

1 Korintus 14:20

Poo-poow! Tioo em pakawerot iow tanuoka sé toyaangé' teké', wo mamualio toyaang teké' andumoro' ing kaléwo'an. Taan em pakawerot iow musti mamuali tanu in tou wangkoo.

1 Korintus 7:14

Ampa'paan si tuama ra'ica maéman itu, sia patuso mamuali tou i Amang Kasuruan ampa'paan icumawéngo ang karapi i wéwéné si mamualio tou i Amang Kasuruan. Taniitu ka'i si wéwéné ra'ica maéman itu patuso mamuali tou i Amang Kasuruan ampa'paan kinawéngo i tuama si mamualio tou i Amang Kasuruan. Sa ra'ica taniitu sé toyaang éra tantu meputé wo sé toyaang ra'ica makatuus si Amang Kasuruan. Taan en ulitna sé toyaang éra ro'na mamuali tou i Amang Kasuruan.

1 Petrus 2:2

Aweso taré kamu mamualio tanuoka si toyaang si makatoué' wo meré'o-ré'om en sumusu asi inangna, kamu ka'i musti meré'o-ré'- om melep si wutu-wutul susu si nunuwu' i Amang Kasuruan. Ang karapi kamu imelep in itu em paémanen iow a si Amang Kasuruan makawangkoo akar kamu malowir,