Lukas 18:13 - En Taar Weru a nunuwu' é Tontemboan

¹³ Taan si mengasaap im pajak itu tumulung angé an tayang wo maindé'ke' kumanat angé an langit. Taan sia menepé-nepé'ke' taré in da'dakna wo kumua: ‘O Amang Kasuruan, icaupusai aku anio' si tou ang kamesé-meséaan.’

Lukas 18:13 Iomraidhean Croise

Matius 10:3

Si Pilipus, Bartolomeus, Tomas, Matius si mengatagi im pajak, Yakobus toyaang i Alfeus, wo si Tadeus,

Matius 6:5

“Sa kamu sumombayang, tioo mengasombayang tanu sé tou punek. Séra mengasombayang, casalé' éra makatulung am balé-walé paapo'an wo ka'i am péngko-péngkoran in lalan wangko', wosama' séra sérén é tou. En ulitna icua-Ku mangé ai camu, séra makéréo in laasa éra.

Matius 9:13

Anaé, pangéréno eng kaangéan si aicua i Amang Kasuruan anio': En icasalé'-Ku ra'ica raragés, taan kaupusan, ampa'paan Aku maai ra'ica tumowa sé tou wutul taan sé tou iméma' ing kamesé-meséaan.”

Markus 11:25

Sa kamu tumulung en sumombayang, musti ampunganmu owo eng kameséaan i esa tou ai co wosama' si Amang iow an sorga méé oka ka'i kaampungan ang kameséaan iow.” [

Lukas 17:12

An tutuw Sia muntep an esa roong wo mai sé sangapulu' tou sumakit kusta taan tumulung tumayang toyo',

Lukas 22:41

Wo Sia tumayang angé toyo' ai séra, eng katayangna tanu wona' ing katayang é tou sa mangkil im batu. Wo Sia kumundu wo sumombayang, icua-Na,

Lukas 23:48

Sé tou keli sé mai mali'us asi tampa itu, séra pakasa imakaséré sapa e imamuali. Keséré éra in itu wo séra maréng ang karoro'- an in itu menepé-nepé' in owak ampa'paan en até éra wendu keli.

Lukas 5:8

An tutuw i Simon Petrus suméré in itu, sia kumundu an dior i Yesus wo kumua, “Tuang, itela'uo mai aku ampa'paan yaku anio' tou kelian kamesé-meséaan.”

Kisah Para Rasul 2:37

An tutuw éra luminga waya in itu, en até éra mendam i manesel wo séra mamuéi a si Petrus wo sé ruru'du'an walina, “Poo-poow, sapa réén e musti émaan ami?”

Roma 5:8

Taan si Kristus imatéo torona icita an tutuw kita mengaéma'pé' ing kamesé-meséaan. En itu itumuru'o sapaoka eng kaupusan i Amang Kasuruan ai cita uli-ulit wangko'.

2 Korintus 7:11

Anaé, intarépé' séréno sapa sé imamuali ai camu ampa'paano ing kawenduan si casalé' i Amang Kasuruan itu. En itu, iméma' icamu lébé mauli-ulit kumiit ing kasalé'an i Amang Kasuruan; wo kamu rumaméji méé tuus sapaoka kamu ra'ica meséa'; kamu masuut wo maindé' mengaéma' ing kamesé-meséaan; kamu lébé lumelo wo makaincaya' méma' sapa sé loor wo ra'ica marapit ; wo kamu méé ukuman a sé tou meséa'. Anaé, kamu itumuru'o in tuus, kamu ra'ica meséa' am pakasa in itu.

1 Timotius 1:15

Sé nunuwu' anio' ulit wo ro'na teriman wo percayanmu. En aicua tana'i: Si Kristus Yesus mai ang kayo'baan en lumowir sé tou ang kamesé-meséaan. Wo a sé im pakasa in tou sé sumangkumo mengaéma' ing kamesé-meséaan, yakuo si kumeli-keli mengaéma' ing kamesé-meséaan.

Ibrani 4:16

Ampa'paan in ituo, mayoo kita ang karapi in da'ica wana eng kaindé'an sumaru im palukutan pasiri-siriin i Casuruan si maturu' in upus tatambér. Wo in taniitu, kawisake' kita mapatawang, tantu wéé-Na oka mai eng kaupusan wo tumambérai in upus en itumawang icita.

Ibrani 8:12

Wo iwéé-Ku oka eng kaupusan-Ku ai séra ampa'paan ing kamesé-meséaan si niéma' éra wo ra'io ka'i ta'néien-Ku eng kamesé-meséaan éra.”