Lukas 17:6 - En Taar Weru a nunuwu' é Tontemboan

⁶ Wo isowat i Apo' Yesus, “Sa kamu maéman mandé ka'i em paémanen iow itu tanuke' im batuna si tumeki-tekic, kamu ro'na merénta in tuura in ara anio' makémbut wo causew an ta'sic, tantu en tuura anio' kumiit im perénta miow.”

Lukas 17:6 Iomraidhean Croise

Matius 14:29

Icua i Yesus, “Mayoo!” Wo si Petrus si an londéi, tumumpa wo maya' am bawo in dano maangé a si Yesus.

Matius 17:20

Wo isowat i Yesus ai séra, “Kamu ra'ica makawoo musér si sétang itu ampa'paan kamu ra'ica mauli-ulit maéman. En ulitna icua-Ku mangé ai camu, sa kamu uli-ulit maéman, mandé em paémanen iow waya ka'i in sangatekic puté im batuna tumeki-tekic, kamu ro'na rumu'du' si kuntung anio', ‘Icaérao mangé!’, tantu eng kuntung itu icaéra oka. Anaé, pakasa ro'na émaan iow, sa kamu uli-ulit maéman. [

Matius 21:21

Isowat i Yesus ai séra, “En ulitna icua-Ku mangé ai camu, sa kamu mercaya wo ra'ica marua-rua wasa, kamu ro'na iméma' tanu si niéma'-Ku asi tuur in ara itu. Wo ro'na ka'i peréntan iow si tolaina anio', ‘Icaangkaio wo icawangkilo mangé an ta'sic!’, tantu en itu mamuali oka.

Markus 4:31

Eng Kakolanoan i Amang Kasuruan ayandé tanu im batuna si tumeki-tekic aiwuras an tana'. Si watuna anio' si tumeki-tekic asé pakasa im batuna si ang kayo'baan.

Markus 9:23

Isowat i Yesus, “Kéitu réén ko kumua sa Aku ro'na? Pakasa ro'na mamuali a sé tou maéman!”

Lukas 13:19

En itu yandé-Ku tanu esa watuna tumeki-tekic am pakasa im batuna niindo i esa tou wo mangé yusewna an umana. Makauré em batuna itu tumou wo mamuali sangatuur wo mai sé burung méma' rumun am panga-pangana in tuura itu.”

Lukas 17:7

“Sa esaan an uner iow makaata si mapajéko in uma kuma'pa matéir sé domba wo an tutuw si ata itu imaréngo mai am balé miow, makala'us réén towan iow sia, ‘Mayoo kuman?’

Lukas 19:4

Wo sia tuméron rumior angé asé tou keli itu wo lumaput an tuura in ara wosama' ro'na kaséréanna si Yesus en lumangkoi am bitu.

Lukas 7:13

Keséré i Apo' Yesus si wéwéné balu itu, makala'us mai eng kaupusan-Na ai sia. Wo icua-Na a si wéwéné balu itu, “Inang, nomoo mengamé-ngamé'!”

Lukas 7:19

wo towanna rua tou asé muritna wo iru'du'na séra mangé mamuéi a si Apo' Yesus, “Amang, si Amang réén si tou aijanjio i Amang Kasuruan maai itu? Kuma'pa tou walina e musti entoon ami?”

1 Korintus 13:2

Mandé ka'i aku tinambéranai ing kamang eng kumua in taar i Amang Kasuruan, makailek im pakasa sé paene-enep, makaanuo waya ing kakailekan, wo makaanu im paémanen lumeke-lekep e ro'na méra ing kuntung, taan sa aku ra'ica mengaupus sé tou walina, yaku uli-ulit ra'ica wana torona.