Lukas 17:4 - En Taar Weru a nunuwu' é Tontemboan

⁴ Sa sia méma' ing kamesé-meséaan ai camu makapitu en sangando wo makapitu sia maréngai ai camu wo kumua, ‘Yaku manesel ampa'paan aku méma'o ing kamesé-meséaan,’ musti ampungan iow sia.”

Lukas 17:4 Iomraidhean Croise

Matius 18:16

Taan sa ra'ica kiimna tumerima in sina'u miow, iwalio mangé esa kuma'pa rua tou mamuali sairi. Ampa'paan ang Kitap Le'nas aipatic, ‘En tumantu si esa tou meséa', musti awéan rua kuma'pa telu tou e mamuali sairi.’

Matius 18:35

Tanu siitu ka'i en émaan i Amang-Ku an sorga ai camu sa kamu ra'ica lekep en até méé kaampungan a si poow iow.”

Matius 5:44

Taan icua-Ku mangé ai camu, icaupuso mangé sé kaséké' miow wo isombayango mangé sé mengaokoi icamu.

Matius 6:12

Wo ampunganai eng kamesé-meséaan ami, kaputé ami ka'i mawéé ing kaampungan a si tou si méma' ing kameséaan ai cami.

Lukas 17:5

Wo sé sangapulu' rua ruru'du'an itu kumua a si Apo' Yesus, “Guru, keterenai em paémanen ami!”

Roma 12:20

Anaé, émaano mangé tanu sé aipatic ang Kitap Le'nas, “Sa si kaséké' miow maarem, wéanio' sia kanen. Sa sia maré'- om, wéanio' sia elepen. An tutuw iow méma' in taniitu a sé kaséké' miow, niéma'o miow sia malawi' tanu isumuuno im baa in api an do'kosna.”