Lukas 17:16 - En Taar Weru a nunuwu' é Tontemboan

¹⁶ An tutuw sia icateka'o mangé a si Yesus wo sia kumundu an dior ing kécéi-Na wo méé i makapulu'sama' ai Sia. Si tou itu, tou Samaria.

Lukas 17:16 Iomraidhean Croise

Matius 10:5

Yutus i Yesus sé sangapulu' rua murit-Na itu wo itaar-Na ai séra, “Tioo kamu mangé am paento'an é tou ra'ica Yahudi kuma'pa muntep ang kota é tou Samaria.

Matius 2:11

Wo séra muntep am balé itu, sérén éra si Toyaang itu ang karapi i Maria inang-Na. Wo séra kumundu wo kumuru en sumiri' si Toyaang itu. Wukaan éra en tampa pengaémaan ing kasiyaan wo iwéé éra eng kasiyaan éra tanu raragés ai Sia tanumai mas, kamenyan wo mur.

Markus 5:33

Si wéwéné itu maindé'o keli akar ing gume'ger, ampa'paan kailekanna isiao e imisu' in juba i Yesus wo masama'. Ampa'paano in itu sia kumundu an dior i Yesus, wo isisilna waya sé imamuali ai sia.

Lukas 17:17

Wo cua i Yesus, “Kailekan-Ku sé sangapulu' tou tarépé' imasama'o waya, am bisa réén sé siow itu?

Lukas 5:8

An tutuw i Simon Petrus suméré in itu, sia kumundu an dior i Yesus wo kumua, “Tuang, itela'uo mai aku ampa'paan yaku anio' tou kelian kamesé-meséaan.”

Yohanes 4:9

Isowat i wéwéné Samaria itu ai Sia, “Ra'ica patus si Tuang mangilek elepen a yaku. Si Tuang tou Yahudi wo yaku tou Samaria, kéitu réén si Tuang mangilek elepen a yaku?” (Icuana in taniitu ampa'paan sé tou Yahudi ra'ica mengakarapi wo sé tou Samaria).

Yohanes 5:23

Niéma' i Amang taniitu wosama' pakasa en tou sumiri' si Toyaang-Na kaputé éra sumiri' si Amang. Si séike' si ra'ica sumiri' si Toyaang-Na, sia ka'i ra'ica sumiri' si Amang si mutusai si Toyaang.

Yohanes 8:48

Wo isowat é kikiiten é agama Yahudi a si Yesus, “Wutul em pakua ami anio', Ico tou Samaria wo rinasuko i sétang.”

Kisah Para Rasul 1:8

Taan an tutuw i Roh Le'nas tumumpa mai ai camu, kamu makéré oka kawasa. Wo kamu mamuali oka sairi andumoro' Yaku an Yerusalem, am pakasa in Yudea wo an Samaria wo akar an tempok ing kayo'baan.”

1 Korintus 14:25

Sé pakaenepna an untep in aténa kaséréan oka sa, akar iko'kosna en owakna wo kumundu maapo' a si Amang Kasuruan wo kumua, “Ulit! Si Amang Kasuruan an uner iow.”

Wahyu 19:10

Wo aku kumundu an dior ing kécéi i malaékat itu en sumiri' sia, taan icuana a yaku, “Tioo ko méma' taniitu a yaku! Ampa'paan yaku asaloke' ata i Amang Kasuruan kaputému wo kaputé é poo-poowmu an esa paémanen sé masairi andumoro' i Yesus. Apoono mangé si Amang Kasuruan, ampa'paan eng kasairian i Yesus ituo e méma' sé tou mengakua in Taar i Amang Kasuruan.”

Wahyu 4:10

sé rua ngapulu' epat matu'a itu kumundu an dior-Na si makalukut am palukutan pasiri-siriin itu wo kumuru en sumiri' ai Sia si menonou akar ing kauré-uré. Wo wukaan éra e mahkota, wo iweta' éra an dior im palukutan pasiri-siriin itu wo kumua,

Wahyu 5:14

Wo sé epat mahluk itu kumua, “Ulit!” Wo sé matu'a itu ka'i kumundu wo kumuru in sumiri'.