Lukas 17:1 - En Taar Weru a nunuwu' é Tontemboan

¹ Icua i Yesus a sé murit-Na, “Ang kayo'baan anio', tantu awéan en andumoro' sé ro'na méma' si tou katawéran méma' ing kamesé-meséaan. Taan icawangkuro mio' si tou makawali sé tou walina ang kamesé-meséaan!

Lukas 17:1 Iomraidhean Croise

Matius 16:23

Wo si Yesus suméléng wo kumua a si Petrus, “Tumayango ko é sétang! Icoo si esaan watu masangkil Yaku, ampa'paan ico ra'ica mawerot in sapa em paweroten i Amang Kasuruan, taan sapa em paweroten é tou.”

Matius 18:7

Icawangkuro eng kayo'baan ampa'paan kelian sé maéma' sé tou mengaéma' ing kamesé-meséaan. Mémang andumoro' in itu tantu awéan, taan icawangkuro si tou imakawali sé tou walina meséa'!

Lukas 16:31

Icua i Abraham ai sia, ‘Sa ra'ica pandungen éra eng kasairian ang kitap-kitap i Musa wo sé nabi, séra ra'ica kawisa maéman, mandé ka'i awéan tou tumou sumawel am papaté e mangé mokéi ai séra.’ ”

Roma 14:13

Ampa'paano in itu tioo kita membém-béané' ing kaséaan si esa wo si esa. Taan aweso taré kamu rumaméjio ra'ica mengaéma' in andumoro' sé ro'na tumawér sé poo-poow an esa paémanen katawéran wo icasélé'kow.

Roma 16:17

Poo-poowku, sina'uenku kamu, mareti-retio mangé a sé tou sé masalé' mengaéma' ing kapetanéan, wo sé masalé' mengasélé'kow im paémanen é tou a si Amang Kasuruan. Séra mengasusui in sususuien sé membalinaan wo in sususuien wutul sé kinéréano miow. Anaé, tumayango mangé ai séra.

1 Korintus 10:32

Kamu musti menonou tanu siitu akar ra'ica émaan iow sé tou walina méma' ing kameséaan, sia tou Yahudi, tou ra'ica Yahudi, kuma'pa sé tou maéman a si Kristus an jamaat-jamaat i Amang Kasuruan.

1 Korintus 11:19

Wutul musti awéan papetanéan an uner iow, wosama' kaséréan oka sa si séi ai camu sé wutu-wutul le'tek maéman a si Amang Kasuruan.

1 Korintus 8:13

Anaé, sa eng kakanen si ayumpero a sé opo-opo' itu iméma'ke taré si poowku esa paémanen méma' ing kamesé-meséaan, ra'io kiimku ka'i kuman in sama'na, sa ampa'paan yaku akar si poowku esa paémanen lumepok ang kamesé-meséaan. En itu meputéo aku mamualike' watu pasangkilan ai sia.

1 Timotius 4:1

Icua i Roh Le'nas ang karapi i mauli-ulit, sa matawio en endo kaka'puan ing kayo'baan, awéan oka tou sé maémano a si Casuruan, ra'io ka'i maéman ai Sia. Sé tou itu makiit oka sé sétang wo masélé'kow in tou wo ka'i mengaéma' oka in sususuien é sétang.

Wahyu 2:14

Taan awéan piraan sé ra'ica icasalé'-Ku ai camu: An uner iow awéan sé makiit im pasusui i Bileam. Si Bileam masusui a si Balak tumambisa en tumawér sé tou Israel kuman ing kakanen sé ayumpero a sé opo-opo', wo mengabersina.

Wahyu 2:20

Taan iséro'-Ku kamu, ampa'paan aiwayake' miow si esa wéwéné makangaran Izebel. Si wéwéné itu matuul in owakna nabi i Amang Kasuruan, taan sia masusui wo mengasélé'kow sé ata-Ku mengabersina wo mengakan ing kakanen sé ayumpero a sé opo-opo'.