Lukas 16:9 - En Taar Weru a nunuwu' é Tontemboan

⁹ Icua-Ku ai camu, pakéno mangé eng kasiyaan ing kayo'baan anio' en tumawang sé tou e makéré karapi, wosama' sa eng kasiyaan iow maka'puo, kamu teriman oka am paento'an an sorga, si ento'an iow akar ing kauré-uré.

Lukas 16:9 Iomraidhean Croise

Matius 19:21

Icua i Yesus ai sia, “Sa ko masalé' mamuali tou makakii-kiit am beren i Amang Kasuruan, mangé iwangkéro waya eng kasiyaanmu, wo iwééo mio' en itu a sé tou lengéi, wo in taniitu kéréanmu oka eng kasiyaan an sorga. Kumawus in itu mayoo wo kumiito mai Yaku.”

Matius 6:19

“Tioo kamu masuun ing kasiyaan torona in owak iow ang kayo'baan, ampa'paan eng kasiyaan ang kayo'baan anio' lolondin oka wo léwoon in taincéré' wo mai egan é rombit e rombiten éra eng kasiyaan itu.

Matius 6:24

Ra'ica wana esa tou ka'i e ro'na tumawoi a sé rua tuang. Ampa'paan sa tanu siitu, icasuutna oka si esa tuang wo icaupusna si tuang walina, kuma'pa sia le'tek oka a si tuang esa wo ra'ica mapandung si tuang walina. Taniituo ka'i kamu, tantu ra'ica toro sumelewir a si Amang Kasuruan sa memero-merotke' ing kasiyaan ing kayo'baan.”

Lukas 11:41

Ampa'paan in ituo iwééo mio' sapa sé ai camu en tumawang sé tou lengéi. An tutuw iow iméma' in tanu siitu, pakasa waya uli-ulit maweresi.

Lukas 12:33

Iwangkéro mio' eng kasiyaanmu wo en doit itu iwééo mio' a sé tou lengéi! Sa émaan iow tanu siitu, meputéo kamu méma'o im paumungan ing kasiyaan si ra'- ica maléwo' wo awéan akar ing kauré-uré. Siituo eng kasiyaan si ayéma' miow an sorga, si ra'ica rombiten é tou wo ka'i ra'ica léwoon é lolondi.

Lukas 14:14

Pakakamangen oka ko, ampa'paan séra ra'ica wana sapa-sapa en suli' ing kalooranmu. Suliin oka i Amang Kasuruan eng kalooranmu itu an tutuw touen-Na sumawel sé tou wutu-wutul maéman wo le'tek ai Sia.”

Lukas 16:11

Anaé, sa kamu ra'ica toro pengatokéan ing kasiyaan ing kayo'baan, si séi en tumoké ai camu ing kasiyaan wutul an sorga?

Lukas 16:13

Si esa ata tantu ra'ica toro tumawoi a sé rua tuang. Ampa'paan sa tanu siitu, icasuutna oka si esa tuang wo mengaupus si tuang walina. Kuma'pa, sia le'tek oka a si tuang esa wo ra'ica mapandung si tuang walina. Taniituo ka'i kamu, tantu ra'ica toro sumelewir a si Amang Kasuruan sa memero-merotke' ing kasiyaan ing kayo'baan.”

Lukas 16:4

O, kailekanku en émaanku sa. Wosama' sa aku yento' an tawoien mengaurus in doit, yaku musti mangéré karapi e masalé' tumerima yaku am balé éra sa.’

Kisah Para Rasul 10:31

Wo icuana a yaku, ‘Kornelius, pakasa en sombayangmu liningao i Amang Kasuruan wo en aitawangmu a sé tou lengéi tina'néi-Nao.

Kisah Para Rasul 10:4

Téintengen i Kornelius si malaékat itu wo ang karapi in indé' icuana, “Awéan sapa réén é Tuang?” Isowat i malaékat itu ai sia, “Pakasa en sombayangmu liningao i Amang Kasuruan wo sé aitawangmu a sé tou lengéi sinéré-Nao wo ko tina'néi-Nao.

2 Korintus 4:17

Wo eng kawenduan sé papendamen ami intarépé' ra'ica uter wo ang karoro'anke'. Taan teriman ami oka eng kaaruian si ra'io icakua wo eng kaaruian itu akar ing kauré-uré. Eng kaaruian itu ilumébé mai wo ing kawangko' sa ipeputé wo ing kawenduan si pinendam ami mai.

Yudas 1:21

Menonouo mangé ang karapi i mamangén asi upus i Amang Kasuruan, ang karoro'an iow mengento-ngento' si Apo'ta Yesus Kristus tumuru' ing kaupusan-Na, wosama' kéréan iow eng katouan akar ing kauré-uré.