Lukas 16:7 - En Taar Weru a nunuwu' é Tontemboan

⁷ Wo icuana ka'i a si tou karua, ‘Ico, pira réén eng kakeli in utangmu?’ Isowat i tou itu, ‘Sangariwu karong gandum.’ Wo icuana a si tou itu, ‘Nio' en surat utangmu, ipatico mio' walu ngaatus karong.’

Lukas 16:7 Iomraidhean Croise

Matius 18:28

Taan kekesotai i ata itu am balé i colano, sia meta'up ka'i wo si carapina ata, si mutang ai sia sangaatus dinar. Wo tangkaanna si carapina itu wo kiselenna eng kolot, icuana, ‘Wérano mai en utangmu a yaku!’

Lukas 16:6

Isowat i tou itu, ‘En utangku esa ngaatus tampayang solo zaitun.’ Wo icuana a si tou itu, ‘Nio' en surat utangmu. Lumukuto mio' am bitu ko wo perioreno mio' i matic: Lima ngapulu' tampayang.’

Lukas 16:8

Wo si tou mengaurus in doit péngkor en até itu iparayo i tuangna ampa'paan sia pandéi maéré-éré lalan torona ing kalooranna in esa. Mémang wutul, sé tou makiit ing kasalé'an ing kayo'baan, séra en lébé pandéi maéré-éré lalan torona ing kalooran éra in esa wotaré sé tou makiit ing kasalé'an i Amang Kasuruan.

Lukas 2:37

wo si penanaanna matéo anaé sia balu oka. Wo intarépé' en umurna walu ngapulu' epat ngata'uno. Sia ra'ica kawisa tumela'u im Balé Le'nas. Endo wo em bengi sia maapo' a si Amang Kasuruan ang karapi mapuasa wo masombayang.

Lukas 20:12

Wo iru'du'na ka'i mangé si ata katelu. Taan si ata itu ka'i pinangkur éra akar i mapéla' wo iwangkil éra ang kesot in uma itu.

Lukas 20:9

Kekawus in itu sisil i Yesus en andéan anio' a sé tou keli: “Awéan esa tou muka' in uma en usewanna in anggor. Wo iséwana en uma itu a sé tou matawoi in uma. Wo sia mangé an doong walina wo uré-uréan toyo' mento' a mangé mbitu.