Lukas 16:25 - En Taar Weru a nunuwu' é Tontemboan

²⁵ Taan icua i Abraham, ‘Éi toyaangku, ta'néieno mangé sumama-sama', an tutuw ko menonoué', ico imakéréo waya sé loor taan karu' si Lazarus makéréke' waya sé ra'ica loor. Intarépé' sia makéréo im pangiboran am bia'i wo ico mawendu keli.

Lukas 16:25 Iomraidhean Croise

Matius 27:63

icua éra, “Tuang gubernur, kinata'néian amio, an tutuw si mengasélé'kow itu menonou, sumangkumo icua-Na in tana'i, ‘Kekawus in telu ngando Aku imaté, Yaku tumou oka sumawel.’

Markus 9:45

Sa eng kécéimu esa iméma' ico ang kamesé-meséaan, pokoleno mio', ampa'paan aweso taré ko mandé wayaoka in esa kécéi tumerima ing katouan akar ing kauré-uré an sorga, wotaré rua kécéi taan ko aitiya'ke' an untep i naraka,[

Lukas 16:20

Wo awéan ka'i esa tou lengéi makangaran Lazarus. En owakna wuta im péla' wo aitekel an dior im papalen im balé i tou siya' itu.

Lukas 16:23

An tampa é tou imaté si tou siya' itu ang karoro'an imawendu. Wo an tutuw sia kumanat angé, sérénna si Abraham an tampa tayang wo si Lazarus an duruna.

Lukas 16:26

Wo ka'i am paawuun ami wo ico, awéan eng kumawu', esa pokal rarem wo welar keli, anaé sé tou am bia'i sé masalé' mio' am bitu kuma'pa sé tou am bitu sé masalé' mai am bia'i ra'ica calewet.’

Lukas 6:24

Taan icawangkuro mio' kamu sé tou siya' intarépé', ampa'paan kamu imendamo ing kaaruian ang kasiyaan iow.

Yohanes 16:33

Icua-Ku waya en itu ai camu, wosama' kéréan iow eng kaeluran ampa'paan meesao ang karapi-Ku. Ang kayo'baan anio' ipeta'up oka miow eng kawenduan, taan kete-ketereno mangé en até miow, ampa'paan kinala-Kuo waya eng kawasa ing kayo'baan anio'.”

Kisah Para Rasul 14:22

An tampa-tampa itu, si Paulus wo si Barnabas kumeter in até é tou maéman wo sumina'u iséra wosama' le'tek am paémanen. Wo icua i Paulus wo si Barnabas, “Sa kita masalé' mamuali tou i Amang Kasuruan si Kumawasa tanu Kolano, kita musti meta'up ing keli kawenduan.”

Roma 8:7

Wo sé tou pakakawasané' ing kasalé'an in owak in esa, séra menséké'an wo si Amang Kasuruan, ampa'paan séra ra'ica le'tek an ukum i Amang Kasuruan. En ulitna en ukum itu ra'ica kaémaan éra.

Filipi 3:19

Sé tou menonou tanu siitu ukumen oka i Amang Kasuruan akar ing kauré-uré. Séra menonou asaloke' makiit ing kasalé'an in owak éra in esa. Séra tirayo mengaéma' in sapa sé kalawiin. Séra mawerotke' andumoro' sé ang kayo'baan anio'.

1 Tesalonika 3:3

Wo in taniitu, mandé ka'i kamu niokoio, kamu kasake' maéman a si Yesus. Ampa'paan kailekano miow in esa sa sé tou maéman a si Yesus musti meta'up ing kawenduan.

Ibrani 11:25

ampa'paan ra'ica kiimna menonou maaru-arui ang kamesé-meséaan si ang karoro'anke', taan icasalé'na mawendu mewali-wali wo sé tou i Amang Kasuruan.

1 Yohanes 2:15

Tioo kamu mengaupus ing kayo'baan anio' wo sé an untepna. Sa icaupus iow eng kayo'baan anio', ra'ica icaupus iow si Amang.

Wahyu 7:14

Wo sowatenku, “Tuang! Si tuang e makailek.” Wo icuana a yaku, “Séra ituo sé tou ilumangkoio mai ing kawenduan wangko'. Wo pakén éra en enda' i Toyaang i Domba eng kumemes in juba éra wo méma' akar i makulo'.