Lukas 16:22 - En Taar Weru a nunuwu' é Tontemboan

²² Wo si Lazarus itu maté wo sia iwali mangé é malaékat lumukut an diit i Abraham an sorga. Si tou siya' itu ka'i maté wo sia cubur é tou.

Lukas 16:22 Iomraidhean Croise

Matius 18:10

“Ta'néien iow sumama-sama'! Tioo paepesen iow im beren sé toyaang teké' anio', ampa'paan itu icua-Ku mangé ai camu, séra itu awéan malaékat makatéir sé tatap mengapaar a si Amang-Ku an sorga. [

Matius 24:31

Wo iru'du'-Na oka sé malaékat-Na kumesot sumengo in trompét taténgé keli, wo ipapali'us-Na ai séra pakasa sé tou sé sinisir-Nao am bisa-wisake' asi kayo'baan anio' tumo'tol asi tempok in langit akar asi tempok in langit.

Matius 8:11

Icua-Ku ai camu, kelian en tou maai oka a micona wo a makona owo en lumukut kuman mewali-wali wo si Abraham, Ishak wo si Yakub an untep ing Kakolanoan in Sorga.

Markus 8:36

Sapa en torona si esa tou makéré pakasa sé ang kayo'baan, taan sia katalaan ing katouan akar ing kauré-uré?

Lukas 12:20

Taan icua i Amang Kasuruan ai sia, ‘Éi tou bodok, eng kasiyaan niumungmu itu ra'ica kaipianmu, taan mamuali oka anu é tou walina ampa'paan asi wengi anio'ke' en asengmu indon oka ai co.’

Lukas 16:21

Sia maaremo keli akar sia masalé' woo kuman ing kakanen si marongkor a méja i tou siya' itu. Wo mai ka'i sé asu sumila' im péla-péla'na.

Yohanes 1:18

Ra'ica wana tou en sumangkumo suméré si Amang Kasuruan, wayake' si Toyaang-Na Esa-esa. Sia meputé wo si Amang wo susut keli ai Sia. Siao en cumua ai cita andumoro' si séi si Amang Kasuruan itu.

Yohanes 13:23

Am bitu awéan esa murit si caupus i Yesus, sia makalukut ang kakan-Na.

Yohanes 21:20

An tutuw i Petrus maréng in somoi, sérénna si murit icaupus i Yesus makiit iséra. Si murit itu si ilumukut an duru i Yesus icuman mewali-wali an tutuw i Yesus ra'ipé' mate wo ka'i si mamuéi a si Yesus, “Tuang, si séi réén en sumarakan Ico?”

Ibrani 1:14

Sa taniitu, si séi réén sé malaékat itu? Séra sé roh mengaéma' sapa sé airu'du' i Amang Kasuruan, sé ayutus-Na en tumawang sé tou sé makéré oka ing kalowiran.

Ibrani 2:14

Sé tou patuulen i Yesus toya-toyaang itu, séra asaloke' tou si ro'na maté. Anaé, si Yesus imamuali tou wo menonou meputé wo sé tou, wosama' em papaté ro'na sangkumen-Na kaputé in tou. Wo ampa'paano im papaté-Na itu, ro'na kalan-Na si kikiiten é sétang si makakawasa im papaté.

Yakobus 1:11

Sa si yéndo mantango mai wo em paso' in télangna makatena-tena in dukut, en dukut itu maweles. Ampa'paan in itu em bungangna rumongkor wo maka'pu eng kapasungna. Tanu siituo ka'i sé tou siya', an tutuw éra rumaméji menawo-nawoi masuun in doit keli, séra in esa maté oka.

1 Petrus 2:24

Sia in esa imuléngo ing kamesé-meséaanta an owak-Na, an tutuw-Na imaté ang kayu salip. Wo in taniitu kita icawekar asi kawasa ing kamesé-meséaan, wo menonou e méma' ing kasalé'an i Amang Kasuruan. Sé péla-péla'-Na ituo e iméma' icita masama'.

Wahyu 14:13

Wo kalingaanku en suara an sorga icumua, “Ipatico en anio': Tumo'tol intarépé' pakakamangen sé tou sé le'tek makiit si Apo' Yesus akar imaté.” Wo e Roh i Amang Kasuruan in esa en cumua in tana'i, “Ulit, séra ro'na mena' asi pinala'lé-la'léan éra wo teriman éra oka en laasa asé im pakasa sé pinengaéma éra.”