Lukas 16:2 - En Taar Weru a nunuwu' é Tontemboan

² Wo towanna si tou mengaurus in doit itu wo icuana, ‘Pinalingakuo sapaoka ko asaloke' menga'pu-nga'pu in doitku, ampa'paano in itu intarépé' iwééo mai a yaku pakasa sé andumoro' in tawoienmu maurus in doitku. Ampa'paan ko ra'- io toro murus in doitku.’

Lukas 16:2 Iomraidhean Croise

Matius 12:36

Icua-Ku ai camu, asi endo kaka'puan ing kayo'baan panowaten oka é tou pakasa é nunuwu' ra'i-ra'i sé aicua éra.

Matius 20:8

An tutuw tawio imuntep si yéndo, icua i makauma itu a si mandorna, ‘Towano mai waya sé tou itumawoi wo wérano mio' en laasa éra, tumo'tol asé tou sosomoi mangé itumawoi akar asé tou imangé kataré-taré.’

Lukas 12:20

Taan icua i Amang Kasuruan ai sia, ‘Éi tou bodok, eng kasiyaan niumungmu itu ra'ica kaipianmu, taan mamuali oka anu é tou walina ampa'paan asi wengi anio'ke' en asengmu indon oka ai co.’

Lukas 12:42

Wo isowat i Yesus ai séra maké in andéan, “Si séi réén si ata le'tek wo pandéi si angkaien oka i tuangna mamuali kikiiten asé ata walina sé matawoi am baléna, wosama' sia méé kanen a sé ata itu an orasnao ing kuman?

Lukas 16:1

Kumawusai in itu sisil i Yesus esa andéan a sé murit-Na: “Awéan esa tou siya' makaanu esa tou si tinokéanna mengaurus in doitna. Wo awéan tou mangé kumelak a si tou siya' itu sapaoka si tou mengaurus in doitna itu asaloke' meka'pu in doit i tou siya' itu.

Lukas 16:3

Wo si tou mengaurus in doit itu memero-merot in tana'i, ‘Sapa e musti émaanku intarépé'? Yaku tawio yento' i tuangku an tawoien mengaurus in doitna. Sa macol aku ra'ica makawoo, sa aku mangile-ngilek, kalawiin oka mai.

Roma 14:12

Anaé, kita si esa wo si esa musti méé panowaten a si Amang Kasuruan andumoro' im pakasa sé niéma'tao.

1 Korintus 1:11

Poo-poowku, yaku kumua tanu siitu ampa'paan awéan sé tou am pamalé i Kloe cumua mai a yaku sapaoka an uner iow awéan sé meindo-indoan roma'.

1 Korintus 4:2

Si kumataré-taré en tuntuten ai cita sé mengaselewir, kita musti le'tek a si tuang si méé in tawoien.

1 Korintus 4:5

Ampa'paan in tuo tioo kamu mario-rior en tumantu si esa tou meséa' kuma'pa ra'ica, sa ra'ipé' an témpona. Entoon akar si Apo' Yesus maai sumawel. Sia oka e muka' im pakasa sé pakaenep é tou ang kariréimbengan wo Sia oka ka'i en tumuru' pakasa em pawasa-wasan é tou an até. Asi témpo itu oka ka'i si Amang Kasuruan méé mai i rarayo a sé tou asi esa wo si esa sé patus tumerima i rarayo.

2 Korintus 5:10

Ampa'paano icita im baya uli-ulit sumaru oka an dior i Kristus in akimen wo iesa wo esa tou makéré oka in susuli' kumiit sapa sé pinengaéma'na ang kauré menonou asi kayo'baan anio', loor kuma'pa léwo'.

1 Timotius 4:14

An tutuw sé penatua an jamaat maro ing kama ai co e mutus ico, séra makéréo i nunuwu' asi Casuruan owo. Wo e nunuwu' itu andumoro' ing kamang aitambér-Na ai co. Anaé, pakéno mangé sumama-sama' en tatambér si aiwéé i Roh Le'nas itu.

1 Timotius 5:24

Awéan piraan tou sé kinailekano mengaéma' ing kamesé-meséaan. Mandé ka'i séra ra'ipé' niakim i Casuruan, taan eng kamesé-meséaan éra kailekano waya é tou. Wo sé walina ka'i méma'o ing kamesé-meséaan taan ra'ipé' kinakailekan. Eng kamesé-meséaan éra itu kakailekan oka asi endo mengangai.

1 Petrus 4:10

Kamu si esa wo si esa itumerimao ing kamang aitambér i Roh Le'nas, anaé musti pakén iow sumama-sama' eng kamang aitambér itu en sumelewir sé kakélé tou.

1 Petrus 4:5

Taan panowaten éra oka a si Amang Kasuruan si tu'tulo makim pakasa in tou sé menonou wo sé tou imatéo.

Wahyu 20:12

Wo kaséréanku sé tou sé pasiri-siriin wo sé tou ra'ica pasiri-siriin sé imatéo, séra makatulung an dior im palukutan pasiri-siriin itu. An tutuw itu pakasa eng kitap winuka', wo winuka' ka'i eng kitap walina siituo eng kitap ing katouan. Wo sé tou imatéo akimen kumiit im pinengaéma' éra si aipatico asé kitap itu.