Lukas 15:8 - En Taar Weru a nunuwu' é Tontemboan

⁸ “Awéan esa wéwéné makaanu sangapulu' roit pérak. Wo sia kinatalaan esa. Sapa en émaanna? Tantu sia méngkét in sosoloan, ka'isanna em balé wo érénna sumama-sama' en doit itu akar ing kéréan.

Lukas 15:8 Iomraidhean Croise

Matius 5:15

Taniitu ka'i ra'ica wana tou méngkét in sosoloan wo kelewenna im bantang. Tantu iweta'na am patuliran in sosoloan akar ro'na sumendot waya sé tou am balé itu.

Lukas 15:7

Icua-Ku ai camu, taniitu ka'i pakasa sé a mangé en sorga séra maaru-arui oka sa awéan esa tou ang kamesé-meséaan mape'dis. Séra lébé arui ampa'paano i esa tou si mape'diso itu, wotaré sé siow ngapulu' siow tou sé mengaéma'o im butul sé ra'io sangali mape'dis.”

Lukas 15:9

An tutuw en doit itu kinéréannao, towanna sé kara-karapina wo sé katana'na wo icuana, ‘Mayoo maaru-arui ang karapiku, ampa'paan en doit pérakku si catala kinéréankuo.’

Lukas 19:10

Ampa'paan si Toyaang i Tou mai e mangéré sé tou itumayango asi Amang Kasuruan wo lumowir iséra an ukuman ing kamesé-meséaan.”

Yohanes 10:16

Taan Yaku awéané' ka'i domba walina sé ra'ica asi kurungan anio', sé domba itu musti ka'i akinen-Ku wo lingan oka éra en suara-Ku. Wo séra mamuali oka sangareru' wo sé domba-Ku ang kurungan anio', wo makaanu esa gembala, siituo Aku.

Yohanes 11:52

wo ra'ica asaloke' sé tou Yahudi, taan ka'i en lumi'us wo meesa sé toyaang i Amang Kasuruan sé imeseraro am pakasa ing kayo'baan.

Kisah Para Rasul 19:19

Wo kelian ka'i ai séra sé mengapaké in sihir, umungen éra eng kitap-kitap sihir wo tunun éra an dior é tou keli. Em bééna ing kitap-kitap itu, sa takséren wona' lima ngapulu' riwu roit pérak.

Efesus 2:17

Sia mai ang kayo'baan eng kumua in abar kaeluran a sé tou ra'ica Yahudi sé indior tayangé' wo si Amang Kasuruan wo sé tou Yahudi sé tawi wo Sia.