Lukas 15:7 - En Taar Weru a nunuwu' é Tontemboan

⁷ Icua-Ku ai camu, taniitu ka'i pakasa sé a mangé en sorga séra maaru-arui oka sa awéan esa tou ang kamesé-meséaan mape'dis. Séra lébé arui ampa'paano i esa tou si mape'diso itu, wotaré sé siow ngapulu' siow tou sé mengaéma'o im butul sé ra'io sangali mape'dis.”

Lukas 15:7 Iomraidhean Croise

Matius 18:13

Wo sa si domba itu kinéréannao, en ulitna icua-Ku mangé ai camu, eng kaaruianna asi esa domba itu lumébémai wo ing kaaruianna a sé siow ngapulu' siow dombana sé ra'ica icatala itu.

Matius 3:8

Aweso taré kamu mengaéma'o mangé pakasa sé loor, tanu tuus kamu imape'diso ang kamesé-meséaan.

Lukas 15:10

Icua-Ku ai camu, tanu siitu ka'i sé malaékat i Amang Kasuruan an sorga séra ka'i maaru-arui oka sa awéan esa tou mape'dis ang kamesé-meséaan.”

Lukas 15:29

Taan sinowatnake' taré si amangna, ‘Ta'uno aku mawendu-wendu matawoi wo maselewir a si amang wo ra'ipé' kawisa aku kumélong im perénta i amang, sapao en aiwéé i amang a yaku? Mandé esake' mémbé' teké', ra'ipé' kawisa iwéé i amang a yaku e méma' ing kasalé-salé'an wo sé kara-karapiku!

Lukas 15:32

Anaé, intarépé', kita musti masalé-salé' wo maaru-arui, ampa'paan si tuarimu itu imatéo taan intarépé' itumouo sumawel, sia aicatalao taan intarépé' kinéréano.’ ”

Lukas 15:6

An tutuw icateka'o am balé, towanna sé kara-karapina wo sé katana'na wo icuana ai séra, ‘Mayoo maaru-arui ang karapiku ampa'paan si dombaku icatala kinéréankuo.’

Lukas 15:8

“Awéan esa wéwéné makaanu sangapulu' roit pérak. Wo sia kinatalaan esa. Sapa en émaanna? Tantu sia méngkét in sosoloan, ka'isanna em balé wo érénna sumama-sama' en doit itu akar ing kéréan.

Lukas 16:15

Wo icua i Yesus ai séra, “Kamu mapaturu-turu' kéndo' a sé tou walina sapaoka kamu mengaéma' im butul, taan en até léwo' miow kailekan i Amang Kasuruan. Ampa'paan sapa em paanggapen é tou awéan wééna, nianggap i Amang Kasuruan wutu-wutul ra'ica wana wééna.

Lukas 5:32

Yaku mai ra'ica en tumowa sé tou wutul, taan tumowa sé tou iméma' ing kamesé-meséaan wosama' séra ro'na mape'dis.”

Roma 7:9

Indior, an tutuwku ra'ipé' makailek in ukum Torat, pawerotenku aku menonou ang karapi in loor. Taan an tutuw kinailekankuo en ukum Torat, eng kamesé-meséaan tumo'tolo menonou an owakku,