Lukas 15:5 - En Taar Weru a nunuwu' é Tontemboan

⁵ Wo sa si domba itu kinéréannao, ang karapi in arui wuléngenna sia wo uwitenna mangé am balé.

Lukas 15:5 Iomraidhean Croise

Lukas 15:32

Anaé, intarépé', kita musti masalé-salé' wo maaru-arui, ampa'paan si tuarimu itu imatéo taan intarépé' itumouo sumawel, sia aicatalao taan intarépé' kinéréano.’ ”

Lukas 15:4

“Sa esaan ai camu makadomba sangaatus wo katalaan esa, sapa en émaanna sa? Tantu itela'una sé siow ngapulu' siow domba itu an tana' rerukutan wo mangé mangéré si esa domba si aicatala itu.

Lukas 15:6

An tutuw icateka'o am balé, towanna sé kara-karapina wo sé katana'na wo icuana ai séra, ‘Mayoo maaru-arui ang karapiku ampa'paan si dombaku icatala kinéréankuo.’

Lukas 19:9

Wo icua i Yesus ai sia, “Asi endo anio', pakasa sé am balé anio' linowiro i Amang Kasuruan, ampa'paan ko wutu-wutul maéman a si Amang Kasuruan meputé si apo'mu Abraham.

Lukas 23:43

Icua i Yesus ai sia, “En ulitna icua-Ku ai co, asi endo anio'ke', ico mewali-wali oka wo Yaku an sorga.”

Yohanes 15:11

Pakasa en itu icua-Ku ai camu, wosama' kamu ro'na maarui meputé wo Yaku, wo eng kaaruian iow itu makakii-kiit.

Efesus 2:10

Ampa'paan si Amang Kasuruan in esa si iméma' icita mamuali tou weru an tutuwta maéman a si Kristus Yesus wo meesa wo Sia. Kita niéma'-Na tou weru wosama' émaanta sapa-sapake' sé loor sé aitantu-Nao tumo'tolke' mai indior wosama' émaanta waya sé loor.

Efesus 3:7

Si Amang Kasuruan itumambéro mai ing kamang a yaku en sumelewir Sia e mengakua in Abar Kaaruien itu. Wo tinerimaku en tawoien itu ampa'paan ing kawasa-Na si matawoi an owakku.

1 Tesalonika 1:5

Kailekan ami en itu ampa'paan asi makasa kami mangé ai camu an Tesalonika e mangé kumua in Abar Kaaruien andumoro' i Yesus Kristus. An tutuw itu kami ra'ica asaloke' maké i nunuwu' ami, taan ang karapi ing kawasa i Casuruan wo ang karapi i Roh Le'nas si méma' icamu uli-ulit mercaya in Abar Kaaruien andumoro' i Yesus Kristus itu. Wo sinéréo ka'i miow em peri ami. Anaé, kailekano miow sapaoka en Abar Kaaruien itu wutul.

2 Timotius 2:26

Wo in taniitu séra makailek in tou sumawel wo icawekar an ta'kong i kikiiten é sétang si kumawasa iséra indior akar séra kumiit ing kasalé'an i kikiiten é sétang itu.

Ibrani 12:2

Am papekowaan anio', mayoo kiitenta ang karapi im beren si asalo makatéinteng angé a si Yesus, ampa'paan Siao si maakin im paémanenta a si Amang Kasuruan wo si makawali im paémanenta makaleke-lekep. Sia talesen pengaokoien akar maté ang kayu salip, ra'ica pandungen-Na em pengaroros ampa'paan kailekan-Na sapaoka makasangkum ako im pakasa in itu awéan kaaruian si aitu'tulo ai Sia. Intarépé' Sia makalukut ang kakan im palukutan pasiri-siriin i Amang Kasuruan.

1 Petrus 1:5

Ampa'paan kamu maéman a si Amang Kasuruan, pakatéiran-Na kamu ang karapi ing kawasa-Na, wosama' kamu ro'na tumerima ing kamang kalowiran sé aitu'tul-Nao em béé oka ai camu a si endo-endo kaka'puan ing kayo'baan.