Lukas 15:32 - En Taar Weru a nunuwu' é Tontemboan

³² Anaé, intarépé', kita musti masalé-salé' wo maaru-arui, ampa'paan si tuarimu itu imatéo taan intarépé' itumouo sumawel, sia aicatalao taan intarépé' kinéréano.’ ”

Lukas 15:32 Iomraidhean Croise

Matius 18:11

Ampa'paan si Toyaang i Tou imai ang kayo'baan anio' en lumowir sé tou icasélé'kow.” ]

Lukas 15:24

Ampa'paan si toyaangku anio' imatéo taan itumouo sumawel. Wo ka'i sia icatalao taan kinéréano sumawel.’ Wo tumo'tolo séra maaru- arui.

Lukas 15:31

Wo isowat i amangna, ‘Toyaangku, ico tatap mewali-wali wo yaku am bia'i. Pakasa eng kasiyaanku, kasiyaanmu ka'i.

Lukas 7:34

Wo mai si Toyaang i Tou, Sia makan wo maelep, wo ipakua miow, ‘Séréno, Sia tampenganen wo tampengelepen. Sia ka'i mekarapi wo sé matagi im pajak wo sé tou iméma' ing kamesé-meséaan.’

Roma 11:15

An tutuw éra aicélong i Amang Kasuruan, eng kasiwakana sé tou walina ang kayo'baan anio' makéré témpo meeluran sumawel wo Sia. Anaé, an tutuw é tou Israel tinerima-Nao, en itu esa kakaya'kaan wangko' tanuoka sé tou imatéo tumou sumawel.

Roma 3:19

Taan intarépé' kailekanta sapaoka pakasa sé aipatic an ukum Torat, torona é tou sé menonou pakakawasan in ukum Torat. Wo in taniitu ra'ica wana mandé esake' tou e ro'na méé alasan sapaoka en owakna wutul, anaé pakasa en tou ang kayo'baan meséa' an dior i Amang Kasuruan.

Roma 3:4

Tantu émaan-Na! Ampa'paan si Amang Kasuruan itu wutul, wo pakasa en tou kotowo. Tanu en aipatic ang Kitap Le'nas andumoro' i Amang Kasuruan in tana'i, “Pakasa sé aicua-Mu wutul. An tutuw Ko in akimen, tantu Ico muntung.”