Lukas 15:2 - En Taar Weru a nunuwu' é Tontemboan

² Wo sé tou Farisi wo sé makailek wutul in Torat tumo'tolo mengimbu-ngimbulu. Icua éra, “Si Tou anio' tumerima sé tou iméma ing kamesé-meséaan wo kuman mewali-wali wo iséra.”

Lukas 15:2 Iomraidhean Croise

Matius 11:19

Wo mai si Toyaang i Tou, Sia makan wo maelep, wo pakua é tou, ‘Séréno, Sia tampenganen wo tampengelepen. Sia ka'i mekarapi wo sé matagi im pajak wo sé tou iméma' ing kamesé-meséaan.’ Taan eng kapinteran asi Amang Kasuruan owo kaséréan oka a sé tou sé mengaéma' in sususuien wutul itu.”

Matius 9:11

An tutuw é tou Farisi suméré si Yesus makan ang karapi é tou itu, icua éra a sé murit i Yesus, “Kéitu si Guru miow makan ang karapi é matagi im pajak wo sé tou méma' ing kamesé-meséaan itu?”

Lukas 15:3

Ampa'paano in itu, isisil i Yesus en andéan anio' ai séra:

Lukas 19:7

Taan pakasa é tou sé makaséré in itu mengimbu-ngimbulu. Icua éra, “Sia lumosér oka am balé i tou ang kamesé-meséaan!”

Lukas 5:30

Keséré in itu, sé tou Farisi wo sé makailek wutul in Torat menge'bo-nge'bow a sé murit i Yesus wo icua éra, “Kéitu réén kamu kuman wo melep mewali-wali ang karapi é matagi im pajak wo sé tou iméma' ing kamesé-meséaan?”

Lukas 7:34

Wo mai si Toyaang i Tou, Sia makan wo maelep, wo ipakua miow, ‘Séréno, Sia tampenganen wo tampengelepen. Sia ka'i mekarapi wo sé matagi im pajak wo sé tou iméma' ing kamesé-meséaan.’

Lukas 7:39

An tutuw i tou Farisi si menot si Yesus suméré sapa e niéma' i wéwéné itu, sia kumua an untep in aténa tana'i, “Sa Sia uli-ulit nabi, tantu kailekan-Na si séi si wéwéné itumimboi ai Sia anio' wo tantu kailekan-Na sapaoka si wéwéné itu wéwéné menonou ang kamesé-meséaan.”

Kisah Para Rasul 11:3

Icua éra, “Kéitu réén ko imangé am balé é tou ra'ica Yahudi wo ka'i cuman mewali-wali wo iséra?”

Galatia 2:12

Kelian sé tou ra'ica Yahudi maento' ang kota itu. Wo tanu si anioo e mamuali a mangé mbitu: Si Kefas, mandé ka'i sia tou Yahudi, taan sia manaramo mengakan mewali-wali wo sé tou ra'ica Yahudi sé ra'ica sinunat, wo en itu nianggap ra'ica patus a sé tou Yahudi. An tutuw é piraan tou Yahudi an Yerusalem owo sé ayutus i Yakobus mai am bitu, si Kefas ra'io kiim ka'i mewali-wali wo sé tou ra'ica Yahudi sé ra'ica sinunat itu. Ampa'paan icaindé'na sé piraan tou Yahudi sé ayutus i Yakobus, sé masalé' pakasa sé tou maéman, mandé ka'i tou ra'- ica Yahudi, musti sunaten.

1 Timotius 1:15

Sé nunuwu' anio' ulit wo ro'na teriman wo percayanmu. En aicua tana'i: Si Kristus Yesus mai ang kayo'baan en lumowir sé tou ang kamesé-meséaan. Wo a sé im pakasa in tou sé sumangkumo mengaéma' ing kamesé-meséaan, yakuo si kumeli-keli mengaéma' ing kamesé-meséaan.