Lukas 15:10 - En Taar Weru a nunuwu' é Tontemboan

¹⁰ Icua-Ku ai camu, tanu siitu ka'i sé malaékat i Amang Kasuruan an sorga séra ka'i maaru-arui oka sa awéan esa tou mape'dis ang kamesé-meséaan.”

Lukas 15:10 Iomraidhean Croise

Matius 10:32

Si séi e mangaku an dior é tou sapaoka sia makiit Yaku, pangakun-Ku oka ka'i sia tou-Ku an dior i Amang-Ku an sorga.

Matius 18:10

“Ta'néien iow sumama-sama'! Tioo paepesen iow im beren sé toyaang teké' anio', ampa'paan itu icua-Ku mangé ai camu, séra itu awéan malaékat makatéir sé tatap mengapaar a si Amang-Ku an sorga. [

Matius 18:14

Taniitu ka'i wo si Amang iow an sorga, ra'ica icasalé'-Na sa esaan asé toya-toyaang teké' anio' icatala ai Sia.”

Lukas 12:8

“Si séi e mangaku an dior é tou sapaoka sia makiit Yaku, sia ka'i pangakun oka i Toyaang i Tou an dior é malaékat i Amang Kasuruan.

Lukas 12:9

Taan si séi en sumangkal Yaku an dior é tou, sia ka'i sangkalen oka i Toyaang i Tou an dior é malaékat i Amang Kasuruan.

Lukas 13:5

Icua-Ku ka'i ai camu ra'ica! Sa kamu ra'ica mape'dis ang kamesé-meséaan, kamu im baya maté oka ka'i tanu iséra.”

Lukas 15:11

Sisil ka'i i Yesus esa andéan, “Awéan esa amang makatoyaang, rua tuama.

Lukas 15:7

Icua-Ku ai camu, taniitu ka'i pakasa sé a mangé en sorga séra maaru-arui oka sa awéan esa tou ang kamesé-meséaan mape'dis. Séra lébé arui ampa'paano i esa tou si mape'diso itu, wotaré sé siow ngapulu' siow tou sé mengaéma'o im butul sé ra'io sangali mape'dis.”

Lukas 15:9

An tutuw en doit itu kinéréannao, towanna sé kara-karapina wo sé katana'na wo icuana, ‘Mayoo maaru-arui ang karapiku, ampa'paan en doit pérakku si catala kinéréankuo.’

Lukas 7:47

Icua-Ku ai co, en upusna wangko' itu, itumuru'o sapaoka eng kamesé-meséaanna sé kumeli-keli itu niampungano. Taan sa si tou niampungan wayake' im pira, eng kaupusanna ka'i wayake' im pira.”

Kisah Para Rasul 11:18

Kelinga in itu, sé tou Yahudi sé maémano a si Yesus ra'io ka'i tumantang si Petrus. Wo séra rumayo si Amang Kasuruan wo kumua, “Anaé, sé tou ra'ica Yahudi ka'i tinambérano mai i Amang Kasuruan kamang e mape'dis wo makéré ing katouan akar ing kauré-uré.”

Kisah Para Rasul 5:19

Taan asi wengi ituke', si malaékat i Casuruan mai muka' im papalen-papalen im bui wo makawali iséra kumesot. Wo icua i malaékat itu,

2 Korintus 7:10

Ampa'paan eng kawenduan in até si casalé' i Amang Kasuruan méé wuéna ing kape'disan e maali mai ing kalowiran. Taan eng kawenduan asi cayo'baan anio' sé ra'ica wana eng kape'disan, makawali sé tou am papaté.

Filemon 1:15

Siituo wona' sia aipetané ang karoro'anke' wo ico wosama' sia ro'na terimanmu sumawel akar ing kauré-uré.

Ibrani 1:14

Sa taniitu, si séi réén sé malaékat itu? Séra sé roh mengaéma' sapa sé airu'du' i Amang Kasuruan, sé ayutus-Na en tumawang sé tou sé makéré oka ing kalowiran.