Lukas 13:6 - En Taar Weru a nunuwu' é Tontemboan

⁶ Kumawus in itu sisil i Yesus esa andéan, “Awéan esa tou, makaanu tuura in ara ayusew an uma in anggorna. Wo sia mangé méré im bua'na an tuura in ara itu, taan ra'ica wana wua'na mandé esake' eng kinéréanna.

Lukas 13:6 Iomraidhean Croise

Lukas 13:5

Icua-Ku ka'i ai camu ra'ica! Sa kamu ra'ica mape'dis ang kamesé-meséaan, kamu im baya maté oka ka'i tanu iséra.”

Lukas 3:9

Sé tou ra'ica kiim mape'dis maéma' ing kaléwo'an, ukumen oka i Amang Kasuruan. En andéanna tanu si tou tumongkéi in tuura, si tumu'tulo im pati an a'mut in tuura en tongkéi in tuura sé ra'ica mengawéé wua'na loor wo tiya' an api.”

Yohanes 15:16

Ra'ica icamu en isumisir Yaku, taan Yakuo en isumisir icamu mamuali murit-Ku. Kamu winéan-Kuo tawoien, wosama' kamu mangé wo méé wua'na kumeli-keli sé ra'ica maka'pu. Anaé, sapake' em pangileken iow a si Amang-Ku a ngaran-Ku, en itu iwéé-Na oka ai camu.

Galatia 5:22

Taan sé tou pakaakinen i Roh Le'nas, wuéna ing katouanna tanu sé anio': awéan upus, kaaruian, kaeluran, katalesenan, kasamaan in até, kalooran, kale'tekkan,

Filipi 4:17

Icuaku en itu ai camu ra'ica ampa'paan yaku maarap ka'i im patawang iow. Taan en icasalé'ku, kamu tumerima ing kamang lumepe-lepet asi Casuruan ampa'paan kamu sumuuno ing kasiyaan an sorga.