Lukas 13:4 - En Taar Weru a nunuwu' é Tontemboan

⁴ Kuma'pa, pawasan iow réén sé sangapulu' walu tou imaté rine'baan i menara an Siloam, eng kameséaan éra lumébémai wo eng kameséaan é tou walina sé maento' an Yerusalem?

Lukas 13:4 Iomraidhean Croise

Matius 18:24

An tutuw sia tumo'tolo meriksa in utang, wo iwali éra mai an diorna si esa ata imutang ai sia sangapulu' ngariwu talenta.

Matius 6:12

Wo ampunganai eng kamesé-meséaan ami, kaputé ami ka'i mawéé ing kaampungan a si tou si méma' ing kameséaan ai cami.

Lukas 11:4

Wo ampunganai eng kamesé-meséaan ami, ampa'paan kami ka'i mawéé ing kaampungan a si tou si méma' ing kameséaan ai cami. Wo ra'ica toro iwali kami muntep am pangepé'an.’ ”

Lukas 13:3

Icua-Ku ai camu ra'ica! Taan weroten iow sumama-sama', sa kamu ra'ica mape'dis ang kamesé-meséaan, icamu im baya ka'i maté oka tanu iséra.

Lukas 13:5

Icua-Ku ka'i ai camu ra'ica! Sa kamu ra'ica mape'dis ang kamesé-meséaan, kamu im baya maté oka ka'i tanu iséra.”

Yohanes 9:11

Isowatna, “Si Tou makangaran Yesus itu, aipekemu-Na en dura' wo en tana' mamuali lepo wo icisu-Na am berenku, wo iru'du'-Na aku mangé ang kolam Siloam e minamo. Wo aku mangé minamo, wo intarépé' aku ro'nao maséré.”

Yohanes 9:7

Wo icua-Na a si tou wola itu, “Mangéo, minamo ko ang kolam Siloam.” (Siloam itu eng kaangéanna, ayutus). Kelinga i tou wola itu sia mangé minamo ang kolam itu. Wo tutuwna maréng angé am baléna, sia ro'nao maséré.

Kisah Para Rasul 28:4

An tutuw é tou am pulou itu suméré si ula' itu makawérén ang kama i Paulus, séra mengkuanan, “Si tou anio' wutul mengapaté tou. Mandé ka'i sia icawekaro ang kawangkuran an ta'sic, ra'ica iwaya i Dewi Keadilan sia menonou.”