Lukas 13:32 - En Taar Weru a nunuwu' é Tontemboan

³² Isowat i Yesus ai séra, “Mangém wo icuao mangé a si serigala itu, ‘Asi endo anio' wo woondo yusér-Ku sé roh léwo' wo sumama' sé tou sumakit, taan asi endo katelu, lekepen-Ku waya en tawoien-Ku.’

Lukas 13:32 Iomraidhean Croise

Markus 6:14

Si colano Herodes luminga ka'i in abar andumoro' i Yesus, ampa'paan am bisa-wisa e ngaran-Na kinatuusano. Wo awéan tou mengakua, “Siao si Yohanes Mabaptis si tumouo sumawel an uner é tou imaté, ampa'paan in ituo Sia awéan kawasa maéma' sé kakaya'kaan itu.”

Yohanes 10:32

Icua i Yesus ai séra, “Kelian en tawoien loor asi Amang Kasuruan owo sé aituru'-Kuo ai camu. Asé pakasa in tawoien loor itu, si wisa réén si méma' icamu masalé' mangkil im batu a Yaku?”

Yohanes 19:30

Keepé'-Na in anggor esem itu, icua-Na, “Malekepo!” Wo icuru-Na en do'kos wo isarakan-Na e mu'kur-Na.

Ibrani 2:10

Si Amang Kasuruan iméma'o im baya-waya, wo pakasa sé niéma'-Na itu torona Sia wo icasalé'-Na e makawali sé tou keli a rarayo wo in sisiri'-Na. Wo pinusé'-Nao si Yesus mamuali Lumolowir si makaleke-lekep, en lalanna musti mendam owo ing kawenduan akar imaté. Si Yesus ituo e muka' in lalan torona é tou wosama' ro'na makéré ing kalowiran.

Ibrani 5:9

Wo kekawus i Yesus méma' in itu, niéma'o i Amang Kasuruan Sia makaleke-lekep. Sia imamualio palemboian ing kalowiran akar ing kauré-uré torona im pakasa sé tou sé le'tek ai Sia.

Ibrani 7:28

Iciit in ukum Torat, si imam wangko' pengaangkaien asé tou biasa sé ra'ipé' lekep. Taan kekawus in ukum Torat, si Amang Kasuruan mangkai si Toyaang-Na maké in sumpa, wo si Toyaang-Na niéma'o mamuali Imam Wangko' si lekep akar ing kauré-uré.