Lukas 13:14 - En Taar Weru a nunuwu' é Tontemboan

¹⁴ Taan si kikiiten am balé paapo'an é agama Yahudi itu mae'bow a si Yesus ampa'paan isumama' in tou an endo Sabat. Wo icuana a sé tou keli, “Awéan enem ngando em pengatawoi, ampa'paan in ituo mayo mapasama' ai Sia asi esa endo patawoi itu, tioo asi endo Sabat!”

Lukas 13:14 Iomraidhean Croise

Matius 12:2

Keséré é tou Farisi in itu, icua éra a si Yesus, “Séréno, sé murit-Mu mengaéma' si ra'ica toro émaan asi endo Sabat.”

Markus 5:22

Wo mai ka'i si esa tou kapala im balé paapo'an é agama Yahudi e ngaranna Yairus. An tutuwna suméré si Yesus, sia kumundu an dior ing kécéi-Na.

Lukas 6:11

An tutuw é guru agama Yahudi wo sé tou Farisi itu suméré sapa e niéma' i Yesus, séra mae'bow keli. Wo séra mepaar sapa en émaan éra sa a si Yesus.

Lukas 6:7

Wo am bitu ka'i awéan sé makailek wutul in Torat wo sé piraan tou Farisi. Séra sé mawere-weren si Yesus sa Sia sumama' in tou an endo Sabat, wosama' séra ro'na méé ing kaséaan ai Sia.

Lukas 8:41

Wo mai a si Yesus si esa tou makangaran Yairus, sia kapala im balé paapo'an é agama Yahudi. Sia kumundu an dior-Na wo mekiupus wosama' si Yesus mai am baléna,

Kisah Para Rasul 13:15

Kekawus i maca in ukum Torat wo ing kitap é nabi, sé kikiiten am balé paapo'an itu rumu'du' tou eng kumua a si Paulus wo si Barnabas tana'i, “Poo-poow, sa awéan ai camu e méé sina'u eng kumeter im paémanen é tou anio', icuao mai!”

Kisah Para Rasul 18:17

Wo sé tou Yahudi am bitu tumangka' si Sostenes kapala im balé paapo'- an é agama Yahudi, wo tepian éra sia an dior i gubernur. Taan séra ra'ica pandungen i Galio.

Kisah Para Rasul 18:8

Awéan si capala im balé paapo'an é agama Yahudi ang kota Korintus, makangaran Krispus. Sia wo pakasa sé tou am baléna maémano a si Apo' Yesus. Sé tou walina ang kota Korintus sé lumingao in sususuien i Paulus, imaémano ka'i a si Apo' Yesus wo pakasa séra méé in owak em baptisen.

Roma 10:2

Sinérékuo in esa sapaoka séra uli-ulit rumaméji mengaarui in até i Amang Kasuruan, taan ra'ica kailekan éra tumambisa em butulna.