Lukas 13:1 - En Taar Weru a nunuwu' é Tontemboan

¹ Asi témpo itu, awéan piraan tou mai icumua a si Yesus in andumoro' é tou Galilea sé pinaté i Pilatus an tutuw éra ang karoro'an imaali mai i raragés a si Amang Kasuruan an Yerusalem.

Lukas 13:1 Iomraidhean Croise

Matius 27:1

Matawio i mando pakasa sé kikiiten é imam wo sé matu'a é tou Yahudi mali'us e meesa an léwo' e maté si Yesus.

Matius 27:2

Wa'kesen éra Sia wo iwali éra mangé en isarakan a si Pilatus, si gubernur am bitu.

Kisah Para Rasul 1:11

Wo icua é rua tou itu ai séra, “Éi tou Galilea, kéitu réén kamu makatulung wo makakanaté' mangé an langit? Si Yesus anio' icaangkaio mangé an sorga tumela'uo icamu. Sia maai oka ka'i sumawel, meputé kamu suméré tumambisa Sia icaangkai angé an sorga.”

Kisah Para Rasul 2:7

Séra im baya wo menguré-ngurésé in do'kos wo mangaya-ngaya'ka' malinga sé tou maéman itu, wo icua éra, “Kailekan ami, sapaoka sé tou maroma' itu tou Galilea.

Kisah Para Rasul 5:37

Kekawus sia, awéan ka'i esa tou makangaran Yudas tou Galilea. An tutuw sé pemerénta Romawi méma' sensus penduduk, towan i Yudas sé tou keli e meesa wo isia en sumundur sé pemerénta Romawi. Taan eng kasiwakanna, sia pinaté wo pakasa sé makiit isia icasera-serar.