Lukas 12:42 - En Taar Weru a nunuwu' é Tontemboan

⁴² Wo isowat i Yesus ai séra maké in andéan, “Si séi réén si ata le'tek wo pandéi si angkaien oka i tuangna mamuali kikiiten asé ata walina sé matawoi am baléna, wosama' sia méé kanen a sé ata itu an orasnao ing kuman?

Lukas 12:42 Iomraidhean Croise

Matius 13:52

Wo icua i Yesus ai séra, “Ampa'paan in itu, susur é makailek wutul in Torat sé tumerimao in sususuien andumoro' ing Kakolanoan in Sorga itu, séra ayandé tanu si makawalé cumesot ing kasiyaan weru wo si uré asi tampa pengaémaanna ing kasiyaan.”

Matius 20:8

An tutuw tawio imuntep si yéndo, icua i makauma itu a si mandorna, ‘Towano mai waya sé tou itumawoi wo wérano mio' en laasa éra, tumo'tol asé tou sosomoi mangé itumawoi akar asé tou imangé kataré-taré.’

Lukas 12:43

Pakakamangen si ata itu sa kaumaan i tuangna ang karoro'an i maéma' in tawoienna.

Lukas 7:13

Keséré i Apo' Yesus si wéwéné balu itu, makala'us mai eng kaupusan-Na ai sia. Wo icua-Na a si wéwéné balu itu, “Inang, nomoo mengamé-ngamé'!”

Lukas 7:19

wo towanna rua tou asé muritna wo iru'du'na séra mangé mamuéi a si Apo' Yesus, “Amang, si Amang réén si tou aijanjio i Amang Kasuruan maai itu? Kuma'pa tou walina e musti entoon ami?”

Kisah Para Rasul 20:28

Ampa'paan in ituo, musti téiran iow sumama-sama' en owak iow in esa wo sé jamaat si aiwéé i Roh Le'nas en téiran iow. Téiran iow sé jamaat i Amang Kasuruan tanu si gembala matéir sé domba-Na. Sé jamaat itu mamuali anu i Amang Kasuruan ampa'paan linowir-Na séra in enda'-Na in esa.

1 Timotius 3:15

sa aku icasomoi maai, en suratku anio' icateka' owo mangé ai co. Wo asi suratku anio', ro'nao kakailekanmu musti tumambisa eng katouan é tou maéman sé imuntepo am pamalé i Amang Kasuruan. Séra itu mamuali tuura wo totombol an esa walé. Tanu siituo sé jamaat-Na musti menonou, tanu tuura wo totombol in sususuien wutul itu.

1 Timotius 5:17

Sé penatua an jamaat sé mengaéma' in tawoienna ang karapi in loor, séra itu patus pasiri-siriin makarua lumepet. Wopé'ka'i sé re'dem makua in Taar i Casuruan wo masusui a sé jamaat.

2 Timotius 4:2

icuamuo mangé en Taar i Casuruan a sé tou, loor kuma'pa ra'ica loor en orasna, ko musti tu'tul e mengua-ngua in Taar itu. Sina'ueno mangé sé tou mengaéma' ing kameséaan, romaan angé séra ang karapi wuta ing katalesenan an tutuw ko mengasusui iséra.

Titus 1:7

Sé mengatilik an jamaat en tawoienna mengatu'tul sé jamaat i Amang Kasuruan, sia musti menonou ra'ica wana e ro'na méé kaséaan, ra'ica tirayo, ra'ica tae'bow, ra'ica lalangun, ra'ica tampenokolen wo ra'ica ata in doit.

Ibrani 13:17

Pelinga-lingano mangé sé kikiiten iow wo émaano mangé sapa sé aiperénta éra. Ampa'paan séra mengatéir i mu'kur iow tanu sé tou e musti méé im panowaten. Sa kamu mengalinga-linga ai séra tanu siitu, séra ro'na méma' in tawoien ang karapi in arui en até. Taan sa kamu ra'ica mengalinga ai séra, séra masusa en até wo en itu ra'ica maali ing kauntungan ai camu.

Ibrani 13:7

Ta'néien angé sé kikiiten iow sé icumuao in Taar i Amang Kasuruan ai camu. Séréno sumama-sama' tambisa eng katouan éra akar séra maté, wo andéano mangé em paémanen éra.

Ibrani 3:5

Si Musa tanu tou si maselewir, sia le'tek maéma' in tawoienna tanu kikiiten é tou Israel. Em pakaselewir i Musa itu mamuali tuus sapa sé icua oka i Amang Kasuruan ai cita sa.

1 Petrus 4:10

Kamu si esa wo si esa itumerimao ing kamang aitambér i Roh Le'nas, anaé musti pakén iow sumama-sama' eng kamang aitambér itu en sumelewir sé kakélé tou.