Lukas 12:4 - En Taar Weru a nunuwu' é Tontemboan

⁴ “É karapi-Ku, lingan sumama-sama' en icua-Ku anio'! Tioo kamu maindé' a sé tou sé ro'na maté in owak iow. Ampa'paan mandé en owak iow ro'na patén éra, taan séra ra'ica toro méma' sapa-sapa a mu'kur iow.

Lukas 12:4 Iomraidhean Croise

Matius 10:28

Tioo kamu maindé' a sé tou sé asalo makawoo maté in owak iow taan ra'ica wana kawasa e maté i mu'kur iow. Taan maindé'o mangé a si Amang Kasuruan si makakawasa e maté in owak wo i mu'kur iow a naraka.

Yohanes 15:13

Ra'ica wana upus en lébé wangko'mai wo in upus i esa tou si méé in owakna maté en lumowir sé kara-karapina.

Kisah Para Rasul 20:24

Taan ra'io pandungenku eng katouanku, asalo ro'na lekepenku en tawoien si aiwéé i Apo' Yesus a yaku eng kumua in Abar Kaaruien andumoro' in upus aitambér i Amang Kasuruan a sé cita in tou.

Kisah Para Rasul 4:13

Wo sé tou isumidang im perkara itu mangaya'ka' an tutuw suméré si Petrus wo si Yohanes brani keli, ampa'paan kailekan éra sapaoka sé rua tou itu tou biasa wo ra'ica sumicola, wo kailekan éra sé rua tou itu makiit si Yesus.

Filipi 1:28

Kamu ra'ica toro maindé' a sé tou sé mengasundur icamu. Sa kamu ra'ica maindé', kailekan éra oka sapaoka sérao sé ukumen patén wo icamuo sé lowiren oka i Amang Kasuruan.

Yakobus 2:23

Anaé, e niéma' i Abraham itu ilumekepo si aipatic ang Kitap Le'nas, “Abraham maéman a si Amang Kasuruan, ampa'paano in itu sia nianggap-Na wutul.” Wo sia patuulen, karapi i “Amang Kasuruan.”

1 Petrus 3:14

Taan pakakamangen oka kamu, mandé kamu musti mawendu ampa'paan maéma' ing kasalé'an i Amang Kasuruan. Ampa'paano in itu tioo kamu maindé' a si séike' mangé wo tioo maindé-indé'.

Wahyu 2:10

Tioo kamu maindé-indé' ing kawenduan si musti pendamen iow. Awéan ai camu si téndél oka i kikiiten é sétang an untep im bui em pangepé'an. Wo pendamen iow oka eng kasusaan sangapulu' ngando eng kauréna. Taan kamu musti le'tek maéman a Yaku akar i maté, wo kamu wéan-Ku oka mahkota ing katouan.