Lukas 12:1 - En Taar Weru a nunuwu' é Tontemboan

¹ Asi témpo itu, mariwu-riwu tou mali'usai akar séra meréngké-réngké'an oka. Wo si Yesus tumo'tolo sumusui, eng kataré-taré a sé murit-Na, icua i Yesus, “Mareti-retio mangé kamu a sé tou Farisi. Séra itu punek, paturu' éra sapaoka séra makiit ing kasalé'an i Casuruan, taan en ulitna séra ra'ica maéma' ing kasalé'an-Na. Em pakatawér éra itu, kaputé i ragi aiwéé an adonan ing kukis wosama' eng kukis itu ruméis.

Lukas 12:1 Iomraidhean Croise

Lukas 11:44

Icawangkuro mio' kamu! Ampa'paan kamu tanuoka ing kubur ra'ica wana watu ipatuus. Anaé, am bawo ing kubur itu pemaya-mayaan é tou ampa'paan ra'ica kailekan éra sapaoka awéan tou en aicubur am bitu.”

Lukas 12:56

Éi camu tou punek! En tuus imamuali an tana' wo an langit ro'na kaangéan iow. Kéitu réén en tuu-tuus paémaan i Amang Kasuruan intarépé' ra'ica kaangéan iow? En itu méé tuus sapaoka Sia ang karoro'an i matawoi.”

Lukas 5:1

Asi makasa si Yesus makatulung an tembir in lour Genesaret. Wo keli sé tou imali'usai ai Sia e mai luminga in Taar i Amang Kasuruan.

Lukas 5:15

Taan en abar andumoro' i Yesus icaseraro taré am bisa-wisa. Wo kelian tou mai en luminga in sususuien-Na wo e mapasama' in sakit éra.

Lukas 6:17

Kumawus in itu, si Yesus wo sé sangapulu' rua murit-Na mewali-wali merosio' in tolaina wo séra mento' an esa ataran. Am bitu imali'uso sé tou keli makii-kiit Sia wo kelian ka'i sé tou walina imai an Yudea owo, ang kota Yerusalem owo wo asé rua kota an tembir in ta'sic makangaran Tirus wo in Sidon.

Kisah Para Rasul 21:20

Kelinga in itu, séra rumayo wo sumiri' si Amang Kasuruan. Wo icua éra a si Paulus, “Éi poow! Musti kailekanmu sapaoka mariwuo eng kakeli é tou Yahudi maémano wo re'dem makiit in ukum Torat.

1 Korintus 15:3

Aicuakuo ai camu en abar si kumataré-taré, abar sé tinerimaku in esa, sapaoka si Kristus matéo wosama' eng kamesé-meséaanta tu'busen-Na, tanu si aipatic ang Kitap Le'nas.

Ibrani 12:22

Taan kamu mayo asi Tolaina in Sion, si Yerusalem an sorga si kota paento'an i Amang Kasuruan si menonou wo sé mariwu-riwu malaékat sé mali'us i masalé-salé'.

Yakobus 3:17

Taan si tou awéan kapinteran asi Amang Kasuruan owo itu, tana'i: Kataré sia menonou ang karapi in até weresi wo masalé' meelu-eluran wo sé tou, sama' a sé tou, téés, wuta ing kaupusan a sé tou wo mengéma-ngéma' andumoro' sé loor, ra'ica marapit wo ra'ica punek.

1 Petrus 2:1

Ampa'paan in ituo kamu ra'io toro mengéma-ngéma' pakasa ing kaléwo'an, pakasa sé mengauwak, pakasa sé punek, menii-niim ing kasuutan wo mengaléwo' i ngaran é tou walina.