Lukas 11:54 - En Taar Weru a nunuwu' é Tontemboan

⁵⁴ Ang karoro'an in itu, peméa-méan éra rékén wosama' kéréan éra eng kaséaan i Yesus an sosowat-Na.

Lukas 11:54 Iomraidhean Croise

Matius 22:15

Wo sé tou Farisi mangé menuwu' tumambisa en tuma'kong si Yesus maké wuwuéien.

Matius 22:18

Taan kailekan i Yesus eng kaléwo'an in até éra, wo icua-Na ai séra, “Éi camu sé tou punek, kéitu réén kamu mangepé' a Yaku?

Matius 22:35

Wo awéan esa ai séra si makailek wutul in Torat, mangepé' tuma'kong si Yesus maké im buwuéien.

Markus 12:13

Kekawus ako in itu, sé kikiiten é agama Yahudi rumu'du' piraan tou Farisi wo sé tou Yahudi sé makiit si colano Herodes en tuma'kong si Yesus, maké im buwuéien.

Markus 3:2

Am bitu ka'i awéan piraan tou sé mawere-weren a si Yesus sa Sia sumama' si tou itu an endo Sabat, wosama' séra ro'na méé kaséaan ai Sia.

Lukas 11:53

Kumawus in itu si Yesus tumela'u in tampa itu. Wo a si témpo itu sé makailek wutul in Torat wo sé tou Farisi tumo'tolo uli-ulit masuut a si Yesus. Ampa'paan in ituo ta'kongen éra si Yesus maké wuwuéien membam-balinaan.

Lukas 20:20

Wo si Yesus peméa-méan rékén é makailek wutul in Torat wo sé kikiiten é imam. Wo iru'du' éra mangé tou e mawere-weren si Yesus wo séra mapa in loor kéndo'. Sé tou itu mamuéi a si Yesus maké im buwuéien tanu kéndo' awéan si masalé' kailekan éra wosama' ro'na ta'kongen éra Sia. Wo sa Sia suméa' sumowat, isarakan éra oka Sia a si gubernur Romawi si makakawasa an sangkum itu en ukumen im patén.

Lukas 20:26

Anaé, Sia ra'ica kinata'kongan é tou mawere-weren itu an tutuw Sia sumowat séra an dior é tou keli itu. Taan taré séra mangaya-ngaya'ka' luminga in aisowat-Na akar séra makapenes oka.

Kisah Para Rasul 23:21

Taan tioo lingan i tuang en icua éra. Ampa'paan awéan lébé epat ngapulu' tou sé tu'tulo tuma'up si Paulus an uner in lalan e maté sia. Séra isumumpao in owak sapaoka séra ra'ica kuman wo melep sa ra'ica imaté si Paulus. Intarépé' séra tu'tulo maté isia wo asaloka oka mengento-ngento' in énan i tuang.”